വിയന്ന: വിയന്നയിലെ മലയാളി സംഘടന വോയിസ് വിയന്ന ഈസ്റ്റർ - വിഷു ആഘോഷം സംയുക്തമായി കൊണ്ടാടി. പ്രസിഡന്റ് ലീല വാഴലാനിക്കൽ സ്വാഗതം ആശംസിച്ചു. സെക്രട്ടറി ഹൈമ മണ്ണാറ്രപായിൽ നന്ദി രേഖപ്പെടുത്തി.
ട്രഷറർ നാൻസി കോര, ആർട്സ് ക്ലബ് സെക്രട്ടറി മിനു ഈയത്തുകളത്തിൽ, സ്റ്റാൻലി പതിപ്പിള്ളിൽ, സാജു പടിക്കകുടി, ജോളി തുരുത്തുേമ്മൽ, ബോബൻ തോമസ്, ജിൻസ് എന്നിവർ പരിപാടികൾക്ക് നേതൃത്വം നൽകി.
കുട്ടികളും മുതിർന്നവരും അവതരിപ്പിച്ച വിവിധ കലാപരിപാടികൾ ചടങ്ങിന് മാറ്റു കൂട്ടി. അംഗങ്ങൾ ഉണ്ടാക്കിക്കൊണ്ട് വന്ന വിഭവ സമൃദ്ധമായ ഭക്ഷണത്തിനു ശേഷം പരിപാടികൾ അവസാനിച്ചു.