/ "publive-image")
സൂറിക്ക്: സ്വിറ്റ്സര്‍ലന്‍ഡിലെ സുറിയാനി ക്രൈസ്തവര്‍ ഭാരതത്തിന്റെ അപ്പസ്തോലനായ മാര്‍തോമായുടെ ദുക് റാന തിരുനാള്‍ കൊണ്ടാടുന്നു.
സീറോ മലബാര്‍ ക്രൈസ്തവരുടെ സ്വിറ്റ്സര്‍ലന്‍ഡിലെ ഏറ്റവും വലിയ തിരുനാളാണ് ദുക് റാന തിരുനാള്‍. ഭാരതത്തിന്റെ അപ്പസ്തോലനായ മാര്‍ തോമ്മായുടെ ഓര്‍മ്മപ്പെരുന്നാള്‍ , സൂറിക്കിലെ സോളിക്കര്‍ സ്ട്രാസ്സെയിലുള്ള എര്‍ലോയ്സര്‍ ദേവാലയത്തില്‍ വച്ച് ജൂലൈ ഒന്ന് ഞായറാഴ്ചയാണ് ആഘോഷിക്കുന്നത്.
ഞായറാഴ്ച വൈകുന്നേരം 4 30 ന് ആഘോഷമായ വി. കുര്‍ബാനയോടെ തിരുക്കര്‍മ്മങ്ങള്‍ ആരംഭിക്കും , കുര്‍ബാനക്കുശേഷം പ്രദക്ഷിണവും സ്നേഹ വിരുന്നും നടക്കും .
ഈ വര്‍ഷത്തെ പ്രസുദേന്തിമാര്‍ നിര്‍മ്മല- സെബാസ്റ്റ്യന്‍ വാളിപ്ലാക്കല്‍,ലൈല - ജോജാന്‍ മ്ലാവില്‍ ,റെമി- ഷീമോള്‍ ശ്രാമ്പിചിറ,ദീപു- സുബി ഉള്ലാട്ട് , ആലിസ്- ടോം വാരിയത്തുകാല , വത്സല- സിറില്‍ കണ്ണേകുളത്തെല്‍ എന്നിവരും . തിരുന്നാള്‍ കമ്മിറ്റിക്കു നേതൃത്വം നല്‍കുന്നത് അഗസ്റ്റിന്‍ മാളിയേക്കല്‍ , ജയിംസ് ചിറപ്പുറത്ത് ,സ്റ്റീഫന്‍ വലിയനിലം , ബേബി വട്ടപ്പലം എന്നിവരുമാണ്
ഭാരതത്തിന്റെ അപ്പസ്തോലനായ മാര്‍ത്തോമായുടെ ഓര്‍മ്മപ്പെരുന്നാളില്‍ പങ്കെടുത്ത് അനുഗ്രഹം പ്രാപിക്കുന്നതിനായി ഏവരെയും സ്നേഹപൂര്‍വ്വം ക്ഷണിക്കുന്നതായി സീറോ മലബാര്‍ കോര്‍ഡിനേറ്റര്‍ ഫാ. തോമസ്‌ പ്ലാപ്പള്ളി, ഫാ. ബിനോയി കൂറ്റനാല്‍ എന്നിവര്‍ അറിയിച്ചു.
Follow Us/sathyam/media/agency_attachments/5VspLzgrB7PML1PH6Ix6.png)
