തിരുവനന്തപുരം: ഇന്ത്യ- വെസ്റ്റിൻഡിസ് രാജ്യാന്തര ഏകദിന ക്രിക്കറ്റ് മത്സരം കൊച്ചി അന്താരാഷ്ട്ര സ്റ്റേഡിയത്തിൽ നത്തും. കേരളപ്പിറവി ദിനമായ നവംബർ ഒന്നിനാണ് മത്സരം നടക്കുന്നത്.
ജി.സി.ഡി.എയും കേരള ക്രിക്കറ്റ് അസോസിയേഷനും തമ്മിൽ നടത്തിയ ചർച്ചയിലാണ് വേദി തീരുമാനിച്ചത്.തിരുവനന്തപുരം കാര്യവട്ടം ഗ്രീൻഫീൽഡിൽ അടുത്തിടെ ഇന്ത്യ-ന്യൂസിലൻഡ് ട്വൻറി-20 മത്സരം നടന്നതിനാലാണ് കൊച്ചിക്ക് നറുക്കുവീണത്. 24ന് നടക്കുന്ന കെ.സി.എ യോഗത്തിനും ശേഷമാകും അന്തിമ തീരുമാനമുണ്ടാവുക.
2017 നവംബറിലാണ് കേരളം അവസാനമായി രാജ്യാന്തരമത്സരത്തിന് വേദിയായത്. അന്ന് ഗ്രീൻഫീൽഡിൽ ന്യൂസിലൻഡുമായുള്ള മത്സരത്തിൽ ആറ് റൺസിന് ഇന്ത്യ ജയിച്ചു.