ക്രിസ്റ്റ്യാനോ റൊണാള്ഡോയുടെ കടുത്ത അരാധകനാണ് ഇതിഹാസ താരം ഉസൈൻ ബോൾട്ട്. എന്നാല് തികഞ്ഞ റോണോ ആരാധകനായ ബോള്ട്ട് തന്നെ മെസ്സിയുമായാണ് താരതമ്യം ചെയ്തതാണ് ആരാധകരെ ഞെട്ടിച്ചിരിക്കുന്നത്.
താനും മെസ്സിയും ജന്മനാ കഴിവുള്ള താരങ്ങളാണ് എന്നാണ് ബോള്ട്ട് പറയുന്നത്. മെസ്സി മികച്ച കളിക്കാരനാണ്. വര്ഷങ്ങളായി എല്ലാവരും പറയുന്ന കാര്യമാണ്. റൊണാള്ഡോ ഇന്ന് കാണുന്ന നിലയിലേക്ക് എത്തിയത് കഠിനാധ്വാനത്തിന്റെ ഫലമാണ്.
എന്നാല് മെസ്സി എന്നെപ്പോലെയാണ് . ജന്മനാ വേഗതയും കഴിവുമുള്ളവരാണ് ഞങ്ങള് - ബോള്ട്ട് പറഞ്ഞു. ഓമ്നിസ്പോര്ട്ടിനോട് സംസാരിക്കുകയായിരുന്നു ബോള്ട്ട്.
തന്റെ ഐതിഹാസിക കരിയറിനോട് വിട പറഞ്ഞ ബോള്ട്ട് ഇപ്പോള് ജര്മന് ഫുട്ബോള് ക്ലബ് ബൊറൂസിയ ഡോര്ട്ട്മുണ്ടില് വെളളിയാഴ്ച പരിശീലനത്തിനിറങ്ങാനിരിക്കുകയാണ്.