കൊച്ചി: വരാപ്പുഴ ശ്രീജിത്തിന്റെ കസ്റ്റഡി മരണത്തില് പ്രതികളായ ആര്.ടി.എഫുകാരുടെ ജാമ്യാപേക്ഷ തള്ളി. സന്തോഷ്, സുമേഷ്, ജിതിൻ രാജ് എന്നിവരുടെ ജാമ്യാപേക്ഷയാണ് തള്ളിയത്. പറവൂര് മജിസ്ട്രേറ്റ് കോടതിയാണ് ജാമ്യാപേക്ഷ പരിഗണിച്ചത്.
വാസുദേവന്റെ ആത്മഹത്യയുമായി ബന്ധപ്പെട്ട കേസില് മരിച്ച ശ്രീജിത്തിന്റെ സഹോദരന് സജിത്ത് അടക്കമുള്ള ഒന്പത് പ്രതികള്ക്ക് കോടതി ജാമ്യം അനുവദിച്ചു. എറണാകുളം അഡീഷണല് സെഷന്സ് കോടതിയാണ് ഇവര്ക്ക് ജാമ്യം അനുവദിച്ചത്.
അറസ്റ്റിലായ പ്രതികള്ക്ക് കേസുമായി ബന്ധമില്ലെന്ന് പൊലീസ് കോടതിയെ അറിയിച്ചു. ആത്മഹത്യ പ്രേരണാക്കുറ്റം റദ്ദാക്കി. വീട് അക്രമിച്ച് കേസ് മാത്രമാണ് ഇവര്ക്കെതിരെ നിലനില്ക്കുന്നത്.