Advertisment

കെന്റക്കി സ്കൂളില്‍ വെടിവെയ്പ്: 2 പേര്‍ മരിച്ചു, 17 പേര്‍ക്ക് പരിക്ക്

New Update

ബെന്റിന്‍ (കെന്റക്കി): ഇന്ന് (ജനുവരി 23 ചൊവ്വാഴ്ച) രാവിലെ സെന്റര്‍ മാര്‍ഷല്‍ കൗണ്ടി സ്കൂളില്‍ നടന്ന വെടിവെയ്പില്‍ 2 കുട്ടികള്‍ മരിക്കുകയും പതിനേഴ് പേര്‍ക്ക് പരിക്കേല്‍ക്കുകയും ചെയ്തതായി ഗവര്‍ണര്‍ മാറ്റ് ബെവിന്‍ നടത്തിയ പത്രസമ്മേളനത്തില്‍ വെളിപ്പെടുത്തു.

Advertisment

വെടിവെയ്പിനെ തുടര്‍ന്നുണ്ടായ തിക്കിലും തിരക്കിലും പെട്ട് അഞ്ചു പേര്‍ക്കുകൂടി പരിക്കേറ്റതായും അദ്ദേഹം പറഞ്ഞു. മരിച്ചവര്‍ 15 വയസ്സിനു താഴെയുള്ള വിദ്യാര്‍ത്ഥികളാണെന്നു പറയപ്പെടുന്നു.

publive-image

വെടിയേറ്റ 15 വയസ്സുള്ള പെണ്‍കുട്ടി സംഭവ സ്ഥലത്തുവെച്ചും, മറ്റൊരു 15 വയസ്സുകാരന്‍ ആശുപത്രിയില്‍ വച്ചുമാണ് മരണമടഞ്ഞത്.

രാവിലെ 7.57-നായിരുന്നു സംഭവം. വെടിവെച്ചു എന്നു പറയപ്പെടുന്ന 15 വയസുകാരന്‍ വിദ്യാര്‍ത്ഥിയെ അനിഷ്ട സംഭവങ്ങളൊന്നുമില്ലാതെ അറസ്റ്റ് ചെയ്തതായും പോലീസ് പറഞ്ഞു. കുട്ടിയെ വെടിവെയ്പ് നടത്തുന്നതിനു പ്രേരിപ്പിച്ച സംഭവങ്ങളെക്കുറിച്ച് വിശദമായ അന്വേഷണം നടന്നുവരുന്നതായും പോലീസ് അറിയിച്ചു.

ഈ ആഴ്ചയില്‍ അമേരിക്കയില്‍ നടക്കുന്ന രണ്ടാമത്തെ സ്കൂള്‍ വെടിവെയ്പാണിത്. ഇന്നലെ (ജനുവരി 22 തിങ്കളാഴ്ച) ടെക്‌സസിലുണ്ടായ വെടിവെയ്പില്‍ ഒരു വിദ്യാര്‍ത്ഥിക്ക് 6 തവണ വെടിയേറ്റിരുന്നു. ഈ കുട്ടിയെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചിരിക്കുകയാണ്.

us
Advertisment