ന്യുയോർക്ക്: വിമാനത്തിൽ കഴിക്കാനായി ലഭിച്ച സൗജന്യ ആപ്പിളുമായി യുഎസിൽ വിമാനമിറങ്ങിയ യാത്രക്കാരിക്ക് 500 ഡോളർ പിഴ. പാരീസിൽനിന്നു ഡെൽറ്റ എയർലൈൻസ് വിമാനത്തിൽ യാത്ര ചെയ്ത ക്രിസ്റ്റൽ ടഡ്ലോക്ക് വനിതയ്ക്കാണ് യുഎസ് കസ്റ്റംസ് ആൻഡ് ബോർഡർ പട്രോൾ പിഴ ചുമത്തിയത്.
വിമാനത്തിൽ അറ്റൻഡർമാർ നൽകിയ ആപ്പിൾ ക്രിസ്റ്റൽ ബാഗിൽ സൂക്ഷിക്കുകയായിരുന്നു. ഡെൻവറിൽനിന്നു മിനിയപോലിസിൽനിന്നുള്ള യാത്രയ്ക്കായാണു താൻ ഇത് സൂക്ഷിച്ചതെന്നും കസ്റ്റംസ് ഓഫീസർമാരുടെ പരിശോധനയിൽ ഇത് പിടിച്ചെടുക്കുകയായിരുന്നെന്നും ക്രിസ്റ്റൽ ഡെൻവറിൽ ഒരു ടിവി അഭിമുഖത്തിൽ പറഞ്ഞു.
യുഎസ് വിമാനത്താവളത്തിൽ യാത്രക്കാർക്കു നൽകുന്ന കസ്റ്റംസ് ഡിക്ലറേഷൻ ഫോമിൽ പഴങ്ങളോ പച്ചക്കറിയോ യുഎസിലേക്കു കൊണ്ടുവരുന്നുണ്ടോ എന്നു വെളിപ്പെടുത്തേണ്ടതുണ്ട്. ക്രിസ്റ്റൽ ഇത് വെളിപ്പെടുത്തിയിരുന്നില്ല. ഇതാണ് പിഴ വിധിക്കാൻ കാരണമായത്.