ലണ്ടന്‍: ഒരു പെണ്‍കുഞ്ഞിനെ വേണമെന്ന ആഗ്രഹവുമായി 38 കാരിയായ വീട്ടമ്മ പ്രസവിച്ചത് 10 തവണ. 10 ഉം ആണ്‍കുട്ടികള്‍. ഒടുവില്‍ രക്ഷയില്ലെന്നു കണ്ടപ്പോള്‍ ആ ഉദ്യമം ഉപേക്ഷിച്ചു.
ഒടുവില്‍ 7 മാസം മുതല്‍ 16 വയസുവരെയുള്ള കുട്ടികളെയുമായി വീടിനെ ചെറിയൊരു പ്രൈമറി ക്ലാസ് മുറിപോലെയാക്കിയിരിക്കുകയാണ് ബ്രിട്ടന്‍ ദമ്പതികളായ ബ്രെറ്റ്സും ഭാര്യ അലക്സിസും.
/ "publive-image")
ഫിറ്റ്‌ന്‍സ് ട്രെയിനര്‍ ആയ അലക്സിസിന്റെ വലിയ ആഗ്രഹമായിരുന്നു ഒരു പെണ്‍കുഞ്ഞിന്‍റെ അമ്മയാകുകയെന്നത്. ഭര്‍ത്താവും അതങ്ങ് വകവച്ചുകൊടുത്തു. അതോടെ ബ്രിട്ടനില്‍ ഏറ്റവും അധികം ആണ്‍മക്കളുള്ള ദമ്പതികളായി 17 വര്‍ഷം കൊണ്ട് ഇവര്‍ മാറി. പത്താമത്തെ ആണ്‍കുട്ടിയെ പ്രസവിച്ചതോടെ ആ മോഹമൊക്കെ ഉപേക്ഷിച്ചിരിക്കുകയാണ് അലക്സിസ്.
പുലര്‍ച്ചെ അഞ്ചരയ്ക്ക് എഴുന്നേറ്റാല്‍ പിന്നെ ഈ ദമ്പതികള്‍ക്ക് വിശ്രമമില്ല. 10 മക്കളുടെയും കാര്യം നോക്കിയ ശേഷമേ സ്വന്തം ജോലിയെപ്പറ്റി ആലോചിക്കാനെങ്കിലും കഴിയൂ. തങ്ങളുടെയും മക്കളുടെയും വസ്ത്രങ്ങള്‍ അലക്കുന്നത് ദിവസം 5 പ്രാവശ്യം കൊണ്ടാണ്. അത് തന്നെയാണ് വീട് വൃത്തിയാക്കലിന്റെ കാര്യവും.
കുട്ടികളുടെ ചെരിപ്പുകളും കളിപ്പാട്ടങ്ങളും എടുത്തുവയ്ക്കുന്നത് തന്നെ മിനക്കെട്ട ജോലിയാണ്. പഠനം തുടങ്ങിയാല്‍ വീടൊരു ക്ലാസ് മുറി തന്നെ. വികൃതികളുടെ കോലാഹലങ്ങള്‍ അയല്‍പക്കത്തെ വീടുകളില്‍ വരെയെത്തും.
Follow Us/sathyam/media/agency_attachments/5VspLzgrB7PML1PH6Ix6.png)
