ദമ്മാം: സൗദി അറേബ്യയിലെ ദമ്മാം 91-ൽ റോഡ് മുറിച്ചുകടക്കുന്നതിനിടെ വാഹനം ഇടിച്ച് മലയാളി മരിച്ചു. മലപ്പുറം കൊടിഞ്ഞി ഫാറൂഖ് നഗർ സ്വദേശി കുഞ്ഞാലൻ ഹാജിയുടെ മകൻ മൊയ്തീന് കുട്ടി അപ്പടയാണ് മരിച്ചത്.
തിങ്കളാഴ്ച്ച രാത്രി ഇശാ നമസ്കാരത്തിന്നായി റോഡ് മുറിച്ച് കടക്കുമ്പോഴാണ് അപകടം സംഭവിച്ചത് .കഴിഞ്ഞ ഇരുപത് വര്ഷത്തിലേറെയായി ദമ്മാമില് ബൂഫിയ(ചെറിയ ചായക്കട )യിൽ ജോലി ചെയ്തു വരികയായിരുന്നു. മൃതദേഹം ദമ്മാം -91 ലെ അൽ മുവാസത്ത് ഹോസ്പിറ്റലിലാണുള്ളത്.
മരണ വർത്തയറിഞ്ഞു ബന്ധുക്കളും സുഹൃത്തുക്കളും ആശുപത്രിയിൽ എത്തിയിട്ടുണ്ട് .നിയമ നടപടികൾ പൂർത്തിയാക്കിയശേഷം മൃതദേഹം നാട്ടിലെത്തിക്കുമെന്ന് ബന്ധുക്കൾ അറിയിച്ചു. മൊയ്തീന് ഭാര്യയും നാല് കുട്ടികളുമുണ്ട്.