തിരുവനന്തപുരം: പരാതികള് തീര്പ്പാക്കുന്നതിന്റെ ഭാഗമായി മൊഴിയെടുക്കുന്നതിന് ഏതു വ്യക്തിയെയും വിളിച്ചു വരുത്താന് വനിതാ കമ്മീഷന് അധികാരം നല്കുന്ന രീതിയില് ബന്ധപ്പെട്ട നിയമം ഭേദഗതി ചെയ്യാന് മന്ത്രിസഭായോഗം തീരുമാനിച്ചു.
ഇത് സംബന്ധിച്ച കരട് ബില്ലിന് മന്ത്രിസഭ അംഗീകാരം നല്കി. നിലവിലുളള കേരള വനിത കമ്മീഷന് നിയമ പ്രകാരം സാക്ഷിയെ വിളിച്ചു വരുത്താനും സാക്ഷിയുടെ സാന്നിധ്യം ഉറപ്പാക്കാനുമുളള അധികാരം മാത്രമേ കമ്മീഷനുളളൂ.