റമല്ല: വെസ്റ്റ് ബാങ്കില് ഇസ്രയേല് സൈനികര് നടത്തിയ വെടിവയ്പില് കൗമാരക്കാരന് കൊല്ലപ്പെട്ടു. പാലസ്തീന് സ്വദേശി ബദാവി മസല്മെ (18) ആണ് മരിച്ചത്. ശനിയാഴ്ച വൈകുന്നേരമാണ് സംഭവം.
മൃതദേഹം ഇസ്രയേല് സൈനികര് മാറ്റിയതായും പാലസ്തീന് ആരോഗ്യമന്ത്രാലയം ആരോപിച്ചു. അതേസമയം, തങ്ങള്ക്കു നേരെയാണ് ആക്രമണമുണ്ടായതെന്ന് ഇസ്രയേലി സൈന്യം വ്യക്തമാക്കി. സൈനിക വാഹനങ്ങള്ക്കു നേരെ ഫയര് ബോംബ് എറിയുകയായിരുന്നു.
രണ്ടു പേരെ അറസ്റ്റ് ചെയ്തിട്ടുണ്ടെന്നും സൈനിക വൃത്തങ്ങള് അറിയിച്ചു. കഴിഞ്ഞ ദിവസം ഗാസയില് ഹമാസ് ചെക്പോസ്റ്റുകള് ലക്ഷ്യമിട്ട് ഇസ്രയേല് ആക്രമണം നടത്തിയിരുന്നു. ഹമാസിന്റെ റോക്കറ്റാക്രമണത്തിന് മറുപടിയായാണ് ഇസ്രയേലിന്റെ തിരിച്ചടിയുണ്ടായത്.