കുവൈറ്റില്‍ ഉച്ചസമയത്തെ ജോലിസമയം നിരോധന സമയത്ത് തൊഴിലാളികളെ ജോലിയെടുപ്പിച്ചു ; രജിസ്റ്റര്‍ ചെയ്തത് 180ഓളം നിയമലംഘനങ്ങള്‍

കുവൈറ്റ് : കുവൈറ്റില്‍ ഉച്ചസമയത്തെ ജോലിസമയം നിരോധന സമയത്ത് തൊഴിലാളികളെ ജോലിയെടുപ്പിച്ചതിന് 180ഓളം കേസുകള്‍ രജിസ്റ്റര്‍ ചെയ്തു. ജൂണ്‍ 1 മുതല്‍ ഓഗസ്റ്റ് 30 വരെയാണ് സൂര്യപ്രകാശത്തിന് കീഴില്‍ ജോലി ചെയ്യുന്നതിന് കുവൈറ്റില്‍ നിരോധനം ഏര്‍പ്പെടുത്തിയിരിക്കുന്നത്.

നിയമലംഘനം നടത്തുന്ന കമ്പനികളെ കണ്ടെത്തുന്നതിന് നടത്തിയ പരിശോധനയിലാണ് 180 ഓളം കേസുകള്‍ പിടികൂടിയത്. നിയമലംഘനം നടത്തിയ കമ്പനികള്‍ക്കെതിരെ ഒരു തൊഴിലാളിയ്ക്ക് 100 കെഡി എന്ന നിരക്കില്‍ പിഴ ഈടാക്കും.