കുവൈറ്റില്‍ ഇന്ന് 575 പേര്‍ കൂടി കൊറോണ വൈറസ് മുക്തി നേടി; രാജ്യത്ത് സുഖം പ്രാപിച്ചവരുടെ എണ്ണം 9273 ആയി

കുവൈറ്റ്: കുവൈറ്റില്‍ ഇന്ന് 575 പേര്‍ കൂടി കൊറോണ വൈറസ് മുക്തി നേടിയതായി ആരോഗ്യമന്ത്രാലയം അറിയിച്ചു. ഇതോടെ രാജ്യത്ത് സുഖം പ്രാപിച്ചവരുടെ എണ്ണം 9273 ആയതായി ആരോഗ്യമന്ത്രി ഡോ.ബാസല്‍ അല്‍ സബാഹ് വ്യക്തമാക്കി.

അവശ്യമായ ലാബ് ടെസ്റ്റുകള്‍ നടത്തിയാണ് രോഗ മുക്തി നേടിയവരെ തിരിച്ചറിഞ്ഞതെന്ന് അദ്ദേഹം കുവൈറ്റ് ന്യൂസ് ഏജന്‍സിയോട് വ്യക്തമാക്കി. സുഖം പ്രാപിച്ചവരെ രണ്ടു ദിവസത്തിലുള്ളില്‍ ആശുപത്രിയില്‍ നിന്നും വിട്ടയക്കും.