വടകര: വിദ്യാർത്ഥിനിക്ക് അശ്ലീല സന്ദേശം അയച്ച സ്കൂൾ പ്രിൻസിപ്പൽ പോക്സോ കേസിൽ അറസ്റ്റിൽ. വടകര മടപ്പള്ളി ഗവ. വൊക്കേഷണൽ ഹയർ
സെക്കൻഡറി സ്കൂൾ പ്രിൻസിപ്പൽ ഓർക്കാട്ടേരി കണ്ടോത്ത്താഴെകുനി ബാലകൃഷ്ണ(53)നാണ് അറസ്റ്റിലായത്.
നിരന്തരം അശ്ലീല വാട്സ് ആപ്പ് സന്ദേശമയച്ചതിനെത്തുടർന്ന് വിദ്യാർത്ഥിനി അധ്യാപികയുമായി തിങ്കളാഴ്ച്ച പരാതി നൽകുകയായിരുന്നു.
വിദ്യാർത്ഥികൾ ഉൾപ്പെടെയുള്ളവർ സ്കൂളിലും പുറത്തും സംഘടിച്ചത് സംഘർഷത്തിനിടയാക്കി. ചോമ്പാല പോലീസ് സ്കൂളിലെത്തി പ്രിൻസിപ്പാളിനെ കസ്റ്റഡിയിലെടുത്ത് അറസ്റ്റ് രേഖപ്പെടുത്തി. ഇയാളെ കോടതിയിൽ ഹാജരാക്കി.