റിയാദ്- കാസര്കോഡ് മൊഗ്രാല് ദാറുല് വഫ മന്സില് അഹമ്മദ് (53) റിയാദില് ഹൃദയാഘാതം മൂലം നിര്യാതനായി. ശാരീരിക അസ്വസ്ഥതയെ തുടര്ന്ന് രാവിലെ ശുമൈസി ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. റിയാദിലെ അത്തീഖയില് ബൂഫിയയില് ജോലി ചെയ്യുകയായിരുന്നു.
ഭാര്യ ഫാത്തിമ സുഹ്റ . മക്കള്: ആയിശത്ത് വഫ, അബ്ദുല് ഖാദര് റിഫായി, മുഹമ്മദ് മുസ്തഫ, അബ്ദുല്ല സാലിഹ്, ഖദീജ ഹസീന. മൃതദേഹം റിയാദില് ഖബറടക്കുന്നതിന് ഒഐസിസി നേതാവ് കുഞ്ഞി കുമ്പള, കെ.എം.സി.സി വെല്ഫയര് വിംഗ് ചെയര്മാന് സിദ്ദീഖ് തുവ്വൂര് എന്നിവര് രംഗത്തുണ്ട്.