വിൽക്കാൻ തയാറായി കോൺഗ്രസും, വാങ്ങാൻ തയാറായി ബിജെപിയും നടക്കുകയാണ്; മലമ്പുഴയിൽ കോൺഗ്രസ് വോട്ട് വിറ്റെന്ന് എൽ.ഡി.എഫ് സ്ഥാനാർത്ഥി എ. പ്രഭാകരൻ

മലമ്പുഴ: മലമ്പുഴയിൽ കോൺഗ്രസ് വോട്ട് വിറ്റെന്ന് എൽ.ഡി.എഫ് സ്ഥാനാർത്ഥി എ.പ്രഭാകരൻ . കോൺഗ്രസ് മലമ്പുഴയിൽ മൂന്നാം സ്ഥാനത്ത് പോകുമെന്നും എ.പ്രഭാകരൻ പറഞ്ഞു.

വിൽക്കാൻ തയാറായി കോൺഗ്രസും, വാങ്ങാൻ തയാറായി ബിജെപിയും നടക്കുകയാണ്. നാട്ടിലാകെ ഇക്കാര്യം പാട്ടാണെന്നും കോൺഗ്രസും ബിജെപിയും ഒരു ബൂത്തിലാണ് തിരഞ്ഞെടുപ്പു ദിവസം ഇരുന്നതെന്നും എ.പ്രഭാകരൻ ആരോപിച്ചു.

വോട്ടു വിറ്റാലും മലമ്പുഴയിൽ എൽഡിഎഫ് വിജയിക്കുമെന്നും എ.പ്രഭാകരൻ പറഞ്ഞു.