കുവൈറ്റ് : ഒടുവില് മലയാളികളുടെ ബുദ്ധിമുട്ടറിഞ്ഞു മലയാളി സംഘടനയും ഇന്ത്യന് സ്കൂളും മുന്കൈയെടുത്ത് ക്ലീന് അബ്ബാസിയ പരിശ്രമം തുടങ്ങി.
കുവൈറ്റിലെ പ്രമുഖ സാംസ്ക്കാരിക സംഘടനയായ തനിമ കുവൈറ്റും യുണൈറ്റഡ് ഇന്ത്യന് സ്കൂളും സഹകരിച്ചാണ് അബ്ബാസിയയിലെ മാലിന്യ നീക്കത്തിന് തുടക്കമിട്ടത്. കഴിഞ്ഞ ഒരാഴ്ചയായി ഇവിടെ മാലിന്യ നീക്കം തടസ്സപെട്ടതിനാല് ഇതുവഴിയുള്ള യാത്രയും ജനജീവിതവും ദുസഹമായിരുന്നു.
ഒരു ലോഡിന് 35 കെഡിയോളം ചിലവാക്കി പ്രൈവറ്റ് ഏജന്സികളെ ഉപയോഗിച്ചാണ് മാലിന്യം നീക്കം ചെയ്യുന്നത്. ഇതിനോടകം 10 ലോഡ് മാലിന്യങ്ങള് നീക്കം ചെയ്ത് കഴിഞ്ഞു.
ഇനിയും 30-40 ലോഡ് കൂടി നീക്കം ചെയ്താല് മാത്രമേ അബ്ബാസിയയിലെ മാലിന്യ൦ മൂലമുള്ള അതീവ ഗുരുതരമായ സാഹചര്യത്തിനു പരിഹാരമാകുകയുള്ളൂ. അതിനായി രാത്രിയിലും മാലിന്യ നീക്കം തുടരുകയാണ് .