മുക്കത്ത് യുവതിയെ ആസിഡ് ഒഴിച്ചു പൊള്ളലേല്‍പിച്ച സംഭവത്തിൽ മുൻഭർത്താവ് കീഴടങ്ങി

കോഴിക്കോട്: മുക്കം കാരശ്ശേരി പഞ്ചായത്തിലെ ആനയാംകുന്നില്‍ യുവതിയെ ആസിഡ് ഒഴിച്ചു പൊള്ളലേല്‍പിച്ച സംഭവത്തിൽ പ്രതിയായ യുവതിയുടെ മുൻ ഭർത്താവ് കീഴടങ്ങി.

തെങ്ങിലക്കടവ് സ്വദേശി സുഭാഷ് ആണ് താമരശ്ശേരി കോടതിയില്‍ കീഴടങ്ങിയത്. കഴിഞ്ഞ ശനിയാഴ്ച വൈകിട്ട് ആറിനായിരുന്നു ആനയാംകുന്ന് ആനയാത്ത് ക്ഷേത്രത്തിനു സമീപത്തെ കുറ്റിക്കാട്ടില്‍ ഒളിച്ചിരുന്ന് പ്രതി യുവതിയെ ആക്രമിച്ചത്.

പ്രതി യുവതിയുടെ തലയില്‍ക്കൂടി ആസിഡ് ഒഴിക്കുകയും കത്തി കൊണ്ടു ഗുരുതരമായി പരുക്കേല്‍പിക്കുകയും ചെയ്തിരുന്നു. മെഡിക്കല്‍ കോളജില്‍ ചികിത്സയിലുള്ള യുവതി അപകടനില തരണം ചെയ്തിട്ടുണ്ട്.