നടി ശ്രിന്‍ഡ വിവാഹിതയായി

നടി ശ്രിന്‍ഡ വിവാഹിതയായി. യുവ സംവിധായകന്‍ സിജു എസ് ബാവയാണ് വരന്‍, ഫഹദ് നായകനായ നാളെ എന്ന ചിത്രം ഒരുക്കിയ സംവിധായകനാണ് സിജു എസ് ബാവ. നാല് വര്‍ഷം മുമ്പാണ് ശ്രിന്‍ഡ വിവാഹ മോചിതയായത്. ഒരു മകനുണ്ട്. വിവാഹമോചനമായിരുന്നു ജീവിതത്തില്‍ ഏറ്റവും വലിയ വെല്ലുവിളിയെന്ന് പല അഭിമുഖങ്ങളിലും ശ്രിന്‍ഡ വ്യക്തമാക്കിയിട്ടുണ്ട്.

22 ഫീമെയില്‍ കോട്ടയം, തട്ടത്തിന്‍ മറയത്ത്, അന്നയും റസൂലും, നോര്‍ത്ത് 24 കാതം,1983 തുടങ്ങിയ ചിത്രങ്ങളിലൂടെ പ്രേക്ഷക ശ്രദ്ധ നേടിയ നടിയാണ് ശ്രിന്ദ.

1983 എന്ന ചിത്രത്തില്‍ സച്ചിന്റെ ഫോട്ടോ കണ്ട് ഇതാരാ എന്ന് ചോദിച്ച ശ്രിന്ദയുടെ കഥാപാത്രം ഏറെ കയ്യടി നേടിയിരുന്നു. ശ്രിന്ദ അഷാബ് എന്ന പേര് മാറ്റി ശ്രിന്ദ അര്‍ഹാന്‍ എന്ന പേരിലാണ് നടി ഇപ്പോള്‍ സിനിമാരംഗത്ത് അറിയപ്പെടുന്നത്.