ഡല്ഹി: അദാനി എന്റർപ്രൈസസ്, ഡിക്സൺ ടെക്നോളജീസ് എന്നിവയുൾപ്പെടെ 13 കമ്പനികൾക്ക് നോയിഡ അതോറിറ്റി നോയിഡ മേഖലയിലെ വ്യാവസായിക ഭൂമി അനുവദിച്ചു. ഈ സംരംഭത്തിലൂടെ നോയിഡ മേഖലയിൽ 3,870 കോടി രൂപയുടെ നിക്ഷേപം കണക്കാക്കുന്നു.നിർദ്ദിഷ്ട ഡാറ്റാ സെന്ററിനായി അദാനി എന്റർപ്രൈസസിന് സെക്ടർ 80 ലെ 39,146 ചതുരശ്ര മീറ്റർ സ്ഥലം അനുവദിച്ചതായി അതോറിറ്റി പ്രസ്താവനയിൽ പറഞ്ഞു.
നോയ്ഡയിൽ കമ്പനി 2,500 കോടി രൂപ നിക്ഷേപിക്കുമെന്ന് പ്രതീക്ഷിക്കുന്നു. അദാനി എന്റർപ്രൈസസ് ഒരു ഡാറ്റാ സെന്റർ ആരംഭിക്കുമെന്നും ഇത് പ്രദേശത്തെ വളർച്ചയ്ക്ക് മാത്രമല്ല, നിരവധി തൊഴിലവസരങ്ങൾ സൃഷ്ടിക്കുമെന്നും അതോറിറ്റി അറിയിച്ചു.
4,000 ചതുരശ്ര മീറ്ററിൽ കൂടുതൽ വ്യാവസായിക ഭൂമി പ്ലോട്ടുകൾ അനുവദിക്കുന്നതിനുള്ള നിർദേശം അതോറിറ്റി ക്ഷണിച്ചിരുന്നു.
60 ലധികം സ്ഥാപനങ്ങൾ ഭൂമിക്കായി അപേക്ഷിച്ചതായും അതിൽ 13 കമ്പനികൾക്ക് പ്ലോട്ടുകൾ കഅനുവദിച്ചതായും പ്രസ്താവനയിൽ പറയുന്നു. ഡിക്സൺ ടെക്നോളജീസ്, അഗർവാൾ അസോസിയേറ്റ്സ്, വീവെടെക്സ് പ്രോജക്ടുകൾ, എൻക്വിൻ ടെക് ന്യൂട്രി കെയർ , ആർഎഫ് മാനുഫാക്ചറിംഗ് കമ്പനി, സാവി ലെതർസ്, മിതാസ് സ്വീറ്റ്സ്, അഡോറാക്സ്, വെസ്റ്റ്വേ ഇലക്ട്രോണിക്സ്, ധാംപുർ അൽകോ തുടങ്ങിയവയ്ക്ക് സ്ഥലം അനുവദിച്ചു
നോയിഡ അതോറിറ്റി സിഇഒ റിതു മഹേശ്വരിയുടെ അംഗീകാരത്തെത്തുടർന്ന് സെക്ടർ 80, 145, 140 എ, 151 എന്നിവിടങ്ങളിൽ സ്ഥിതിചെയ്യുന്ന 1,99,848 ചതുരശ്ര മീറ്റർ ഭൂമി പ്ലോട്ടുകളാണ് അനുവദിച്ചത്. 344 കോടി രൂപയുടെ വരുമാനം നോയിഡ അതോറിറ്റി പ്രതീക്ഷിക്കുന്നുണ്ടെന്നും ഇത് നോയിഡ മേഖലയിൽ 3,870 കോടി രൂപ മുതൽമുടക്കി 48,512 തൊഴിലവസരങ്ങൾ സൃഷ്ടിക്കുമെന്നും പ്രസ്താവനയിൽ പറയുന്നു.
കൊറോണ വൈറസ് പ്രതിസന്ധി മൂലം ഐ ടി മേഖലയിലുടനീളം തൊഴില് നഷ്ട ഭീഷണി നിലനില്ക്കുന്നതിനിടെ 40000 പേര്ക്ക് പുതുതായി തൊഴില് അവസരം നല്കാനുള്ള നീക്കവുമായി ടാറ്റ കണ്സള്ട്ടന്സി സര്വീസസ്. ക്യാംപസ് റിക്രൂട്ട്മെന്റിലൂടെ കഴിഞ്ഞ വര്ഷം തുടക്കക്കാര്ക്ക് നല്കിയ ഓഫറുകള് പാലിച്ചുവെന്നും ടിസിഎസ് ഗ്ലോബല് എച്ച് ആര് ഹെഡ് മിലിന്ദ് ലക്കാഡ് അറിയിച്ചു.
കഴിഞ്ഞ വർഷം 40,000 ത്തോളം പേരെ നിയമിച്ച ടാറ്റാ കൺസൾട്ടൻസി സർവീസസ് (ടിസിഎസ്) 2022 സാമ്പത്തിക വർഷത്തിലും 40,000 പേരെ നിയമിക്കുമെന്നാണ് റിപ്പോര്ട്ട്. 4000 പേരെയോ അതില് കൂടുതല് പേരെയോ 2022 സാമ്പത്തിക വര്ഷത്തില് ടാറ്റാ കൺസൾട്ടൻസി സർവീസസ് നിയമിക്കുമെന്നാണ് പ്രതീക്ഷിക്കുന്നത്.
ഞങ്ങളുടെ ഓപ്പറേറ്റിംഗ് മോഡൽ വളരെ മികച്ചതാണ്. കാമ്പസിൽ നിന്ന് വരുന്ന ആളുകളെ അടിസ്ഥാനമാക്കിയുള്ളതാണ് ഇത്. ടിസിഎസ് ചീഫ് എച്ച്ആർ ഓഫീസർ മിലിന്ദ് ലക്കാഡ് പറഞ്ഞു. വര്ഷത്തില് നാലു തവണ ദേശീയ യോഗ്യതാ ടെസ്റ്റ് നടക്കുന്നുണ്ട്. ഇത് ആവശ്യത്തിനുള്ള ആളുകളെ റിക്രൂട്ട് ചെയ്യാന് സഹായകമാകുന്നുവെന്ന് അദ്ദേഹം വ്യക്തമാക്കി. പുതിയ ജോലിക്കാരിൽ ഭൂരിഭാഗം പേരെയും 2022 സാമ്പത്തിക വര്ഷത്തിന്റെ ആദ്യ പാദത്തില് തന്നെ റിക്രൂട്ട് ചെയ്യും.മിലിന്ദ് ലക്കാഡ് അറിയിച്ചു.
ഇന്ത്യയിലെ രണ്ടാമത്തെ വലിയ സോഫ്റ്റ്വെയർ സേവന കയറ്റുമതിക്കാരായ ഇൻഫോസിസ് റിക്രൂട്ട്മെന്റ് പദ്ധതികൾക്ക് അനുസൃതമായി ഇന്ത്യയിലെയും വിദേശത്തെയും കോളേജുകളിൽ നിന്ന് 26,000 ഫ്രെഷർമാരെ നിയമിക്കും.
COVID അനിശ്ചിതത്വവും ചെലവ് കുറയ്ക്കുന്ന പ്രക്രിയയുടെ ഭാഗമായി 2021 സാമ്പത്തിക വര്ഷത്തില് കമ്പനിക്ക് പ്രമോഷൻ / ശമ്പള വർദ്ധന സൈക്കിളുകൾ കാലതാമസം നേരിടേണ്ടിവന്നു. അടുത്ത ഏതാനും പാദങ്ങളിൽ ഉയർന്ന അറ്റൻഷൻ നിരക്ക് തുടരുമെന്ന് പ്രതീക്ഷിച്ചിരിക്കെ, വിപണിയിൽ നിന്ന് മികച്ച പ്രതിഭകളെ കമ്പനി സജീവമായി നിയമിക്കുമെന്ന് കമ്പനിയുടെ ചീഫ് ഓപ്പറേറ്റിംഗ് ഓഫീസർ പ്രവീൺ കുമാർ റാവു പറഞ്ഞു.
കമ്പനി തങ്ങളുടെ ജീവനക്കാർക്കായി ഡിജിറ്റൈസേഷൻ പരിശീലന പരിപാടികൾ ആവിഷ്കരിച്ചിട്ടുണ്ടെന്ന് ഇൻഫോസിസ് സിഇഒ സലീൽ പരേഖ് പറഞ്ഞു.