തിരുവനന്തപുരം: സാമൂഹിക സുരക്ഷ പെന്ഷന് അപേക്ഷകര്ക്ക് ഇനി ആധാര് വയസ്സ് തെളിയിക്കാനുള്ള രേഖയല്ലെന്ന് സര്ക്കാര്. ആധാര് വയസ്സ് തെളിയിക്കാന് ഉപയോഗിക്കാമെന്ന മുന് ഉത്തരവ് തിരുത്തിയിരിക്കുകയാണ്.
മറ്റ് രേഖ ഇല്ലെങ്കില് ഡോക്ടര് സര്ട്ടിഫിക്കറ്റ് നല്കുന്ന രീതി നിര്ത്തിയാണ് ആധാര് അവലംബിക്കാന് തീരുമാനിച്ചത്. ആധാര് വയസിനുള്ള രേഖയായി ഉപയോഗിക്കാന് പാടില്ലെന്ന് യു.ഐ.എ.ഐ അറിയിച്ച സാഹചര്യത്തിലാണ് തീരുമാനം.
റേഷന് കാര്ഡ്, ഡ്രൈവിങ് ലൈസന്സ്, പാസ്പോര്ട്ട്, സ്കൂള് സര്ട്ടിഫിക്കറ്റ് എന്നിവ വയസിനുള്ള ആധികാരിക രേഖയായി അംഗീകരിക്കും.
ഈ രേഖകള് ഒന്നുമില്ലാത്തവര് വയസ്സ് തെളിയിക്കാന് രേഖകളൊന്നും ഇല്ലെന്ന് സ്വയം സാക്ഷ്യപ്പെടുത്തി ഡോക്ടറുടെ സര്ട്ടിഫിക്കറ്റും ഹാജരാക്കണം.ഇത് രേഖയായി കണക്കാക്കും. ഈ വ്യവസ്ഥ ദുരുപയോഗം ചെയ്താല് കൈപ്പറ്റിയ തുക തിരിച്ചുപിടിക്കും.