ഹൂസ്റ്റണ് : യുഎസില് ദുരൂഹസാഹചര്യത്തില് മൂന്നുവയസുകാരി ഷെറിന് മാത്യൂസ് കൊല്ലപ്പെട്ട സംഭവത്തില് വളര്ത്തച്ഛന് വെസ്ലി മാത്യൂസിന്റെ ജീവപര്യന്തം തടവുശിക്ഷ ആരംഭിച്ചു. വ്യാഴാഴ്ച വെസ്ലിയെ ഡാലസ് കൗണ്ടി ജയിലില്നിന്ന് സ്റ്റേറ്റ് പ്രസിണിലേക്ക് മാറ്റിയെന്ന് പൊലീസ് അറിയിച്ചു.
കൈയബദ്ധത്തില് കുഞ്ഞിന് പരുക്കേറ്റതായി വെസ്ലി കോടതിയില് സമ്മതിച്ചിരുന്നു. കുറഞ്ഞ ശിക്ഷ ലഭിക്കാനാണ് വിസ്താരം തുടങ്ങുന്നതിന് മുമ്പായി കുറ്റം സമ്മതിച്ചത്. ദത്തെടുത്ത കുട്ടിയെ കൊല ചെയ്ത് ശരീരം ഡാലസിലെ കലുങ്കില് ഉപേക്ഷിച്ചതാണ് കേസ്.
മാത്യൂസും ഭാര്യ സിനിയും 2016ല് ബിഹാറിലെ അനാഥാലയത്തില്നിന്നാണ് കുഞ്ഞിനെ ദത്തെടുത്തത്. തെളിവില്ലാത്തതിനാല് സിനിയെ വെറുതെ വിട്ടിരുന്നു.