അഹമ്മദ് മേലാറ്റൂർ അനുസ്മരണം സംഘടിപ്പിച്ചു.

റിയാദ്: ഇടതുസാംസ്ക്കാരിക  പ്രവർത്തകനും എഴുത്തുകാരനുമായിരുന്ന അഹമ്മദ് മേലാറ്റൂരിനെ നവോദയയുടെ  ആഭിമുഖ്യത്തിൽ  സുഹൃത്തുക്കളും  സഹപ്രവർത്തകരും  റിയാദിൽ അനുസ്മരിച്ചു. 

അഹമ്മദ് മേലാറ്റൂര്‍ അനുസ്മരണയോഗം നെബു വർഗ്ഗീസ്   ഉദ്‌ഘാടനം ചെയ്യുന്നു

കഴിഞ്ഞ വർഷം ഒക്ടോബർ 13 ന്  ഹൃദയാഘാതത്തെതുടർന്നാണ്   സാമൂഹ്യ പ്രവർത്തകനും നവോദയ വൈസ് പ്രസിഡന്റുമായിരുന്ന അഹമ്മദ്മേലാറ്റൂർ അന്തരിച്ചത്. ഏതുവിഷയത്തിലും വ്യക്തമായ നിലപാടുണ്ടായിരുന്ന അഹമ്മദ് കക്ഷി രാഷ്ട്രീയത്തിനതീതമായിവ്യക്തിബന്ധങ്ങൾ കാത്തുസൂക്ഷിച്ചിരുന്നു. നവോദയ, റിഫ, ചെരാത് തുടങ്ങിയ സാമൂഹ്യ സാംസ്‌കാരിക സംഘടനകളിൽ രണ്ടര പതിറ്റാണ്ടോളം സജീവമായിരുന്നു അഹമ്മദ് 

ഷക്കീബ്‌  കൊളക്കാടന്‍ അനുസ്മരണം നടത്തുന്നു

നവോദയ പ്രസിഡണ്ട് ബാലകൃഷ്ണൻ  അധ്യക്ഷനായിരുന്നു. നെബു വർഗ്ഗീസ്  അനുസ്മരണയോഗം ഉദ്‌ഘാടനം ചെയ്തു.  പരന്ന വായനയ്ക്കുടമയായിരുന്ന  അഹമ്മദ്യാത്രകളെ ഏറെഇഷ്ടപ്പെട്ട വ്യക്തിയായിരുന്നുവെന്ന് നെബു അനുസ്മരിച്ചു. സോഷ്യൽ സൈറ്റുകളിൽ കോറിയിട്ടിരുന്ന നുറുങ്ങു കവിതകൾ ഓരോന്നും ഏറെ ചിന്തിപ്പിക്കുന്നവയായിരുന്നുവെന്നും  നെബു പറഞ്ഞു. 

ജയന്‍ കൊടുങ്ങല്ലൂര്‍ അനുസ്മരണം നടത്തുന്നു

അഹമ്മദ് മേലാറ്റൂരും കുടുംബവും നവോദയയുടെ വളർച്ചക്ക് നൽകിയ സംഭാവനകളെകുറിച്ച് നവോദയ ട്രഷറർ സുരേഷ്സോമൻ വിവരിച്ചു. ജോസഫ് അതിരുങ്കൽ, ഷക്കീബ് കൊളക്കാടൻ, അറ്റ്ലസ് മൊയ്തു, അഷ്‌റഫ് വടക്കേവിള, ഉബൈദ്എടവണ്ണ, ഹരികുഷ്ണൻ, ദീപാ ജയകുമാർ, സത്താർ കായംകുളം, റഫീഖ് പന്നിയങ്കര, ജയൻ കൊടുങ്ങല്ലൂർ, പ്രമോദ്,സുധാകരൻ, ഷക്കീല വഹാബ്, അബ്ദുല്ല വല്ലാഞ്ചിറ, ബാബുജി, റാണി ടീച്ചർ, അൻവാസ്, ജയകുമാർ, പ്രതീന ജയ്ജിത്, കുമ്മിൾസുധീർ, രാജുഫിലിപ് എന്നിവർ അഹമ്മദ് മേലാറ്റൂരുമായുള്ള  ഓർമ്മകൾ പങ്കുവെച്ചു.   രവീന്ദ്രൻ സ്വാഗതവും ഷൈജു ചെമ്പൂര് നന്ദിയും പറഞ്ഞു.