/ "publive-image")
കൊച്ചി : മുതിര്‍ന്ന കോണ്‍ഗ്രസ് നേതാവ് എ കെ ആന്റണിയുടെ മകന്‍ അനില്‍ ആന്റണി കോണ്‍ഗ്രസ് വേദിയില്‍. കോണ്‍ഗ്രസ് കൊച്ചിയില്‍ സംഘടിപ്പിച്ച രാഷ്ട്രീയ വേദിയിലാണ് എം എല്‍ എ മാര്‍ ഉള്‍പ്പെടെ സദസിലിരിക്കെ മുല്ലപ്പള്ളി രാമചന്ദ്രനുമായി അനില്‍ ആന്റണി വേദി പങ്കിട്ടത്.
അടുത്തിടെ കോണ്‍ഗ്രസ് ഡിജിറ്റല്‍ മീഡിയ ക്യാമ്പയിന്‍ സംസ്ഥാന കണ്‍വീനര്‍ ആയി അനിലിനെ തെരഞ്ഞെടുത്തിരുന്നു . നിയമനത്തിനെതിരെ യുവനേതാക്കള്‍ രംഗത്ത് വന്നപ്പോള്‍ ഇത് രാഷ്ട്രീയ നിയമനമല്ലെന്ന അവകാശവാദവുമായി ഡിജിറ്റല്‍ മീഡിയ ക്യാമ്പയിന്‍ ചുമതലയുള്ള ശശി തരൂര്‍ രംഗത്ത് വന്നിരുന്നു.
എന്നാല്‍ ഇപ്പോള്‍ രാഷ്ട്രീയ വേദിയില്‍ എംഎല്‍എ മാരെ ഉള്‍പ്പെടെ സദസിലിരുത്തി നേതാവിന്‍റെ മകനെ എന്തിന് വേദിയിലിരുത്തി എന്ന ചോദ്യത്തിന് നേതൃത്വത്തിന് ഉത്തരമില്ല .
തനിക്ക് കെപിസിസി അധ്യക്ഷ പദം വാങ്ങി നല്‍കിയതിനു പാരിതോഷികമായാണ് മുല്ലപ്പള്ളി ആന്റണിയുടെ മകനെ പ്രമോട്ട് ചെയ്യാന്‍ ശ്രമിക്കുന്നതെന്ന ആക്ഷേപം കോണ്‍ഗ്രസില്‍ ശക്തമാണ് . പാര്‍ട്ടിയിലെ മക്കള്‍ രാഷ്ട്രീയത്തിനെതിരെ രംഗത്ത് വന്നിട്ടുള്ള ആന്റണി ഇപ്പോള്‍ മകന്‍റെ കാര്യത്തില്‍ പ്രതികരിക്കാന്‍ തയ്യാറായിട്ടില്ല .
Follow Us/sathyam/media/agency_attachments/5VspLzgrB7PML1PH6Ix6.png)
