കോഴിക്കോട്: പന്തീരാങ്കാവില് മാവോയിസ്റ്റ് ബന്ധത്തിന്റെ പേരിൽ യുഎപിഎ ചുമത്തി അറസ്റ്റ് ചെയ്ത കേസില് അലന്റെയും താഹയുടെയും ജാമ്യാപേക്ഷ ഹൈക്കോടതി ഇന്ന് പരിഗണിക്കും. അലന് ഷുഹൈബിനെയും താഹ ഫസലിനെയും കസ്റ്റഡി കാലാവധി അവസാനിക്കുന്നതിനാല് തിങ്കളാഴ്ച വീണ്ടും കോടതിയില് ഹാജരാക്കും.
കോഴിക്കോട് പ്രിന്സിപ്പല് സെഷന്സ് കോടതിയിലാണ് ഹാജരാക്കുന്നത്. അന്വേഷണ സംഘം സമര്പ്പിച്ച അപേക്ഷയില് കഴിഞ്ഞ വെള്ളിയാഴ്ചയാണ് മൂന്നു ദിവസത്തെ കസ്റ്റഡി കോടതി അനുവദിച്ചത്.
നവംബര് ഒന്നിന് രാത്രിയാണ് പന്തീരാങ്കാവ് പൊലീസ് അലനെയും താഹയെയും അറസ്റ്റ് ചെയ്തത്. ഇവര്ക്കൊപ്പമുണ്ടായിരുന്ന ഓടിരക്ഷപ്പെട്ടയാളാണ് കേസില് മുഖ്യപ്രതിയെന്ന് പൊലീസ് ആവര്ത്തിക്കുേമ്ബാഴും ഇയാളെക്കുറിച്ചുള്ള വിവരങ്ങളൊന്നും ഇതുവരെ ലഭിച്ചിട്ടില്ല.