ന്യൂസിലാന്ഡിലെ മുസ്ലിം പള്ളികളില് നടന്ന ഭീകരാക്രമണത്തില് ഒരു ഇന്ത്യക്കാരനും മരിച്ചെന്ന് സ്ഥിരീകരണം. ഗുജറാത്ത് സ്വദേശി മുഹമ്മദ് ജുനത്ത് ഖാരയാണ് കൊല്ലപ്പെട്ടത്.
ഒമ്പത് ഇന്ത്യക്കാരെ കാണാതായെന്ന് നേരത്തേ സ്ഥിരീകരിക്കാത്ത റിപോര്ട്ടുകള് പുറത്തുവന്നിരുന്നു. ഇവരില് കാണാതായ ആറുപേരുടെ വിവരങ്ങള് ഇതുവരെയും ലഭിച്ചിട്ടില്ല. ഇതിന്റെ അടിസ്ഥാനത്തില് നടത്തിയ അന്വേഷണത്തിലാണ് ഗുജറാത്ത് സ്വദേശി കൊല്ലപ്പെട്ടതായി വിവരങ്ങള് പുറത്തുവന്നത്.
പരിക്കേറ്റവരില് ഒരാള് തെലങ്കാന സ്വദേശിയാണെന്നാണ് വിവരം. ന്യൂസീലന്ഡില് ഹോട്ടല് വ്യവസായം നടത്തുന്ന ഇയാള്ക്ക് ഗുരുതരമായി പരിക്കേറ്റിട്ടുണ്ടെന്നാണ് വിവരങ്ങള്.
നിലവില് റെഡ്ക്രോസ് പുറത്തുവിട്ട പട്ടികയില് കേരളത്തില്നിന്നുള്ള ഒരാള് ഉള്പ്പെടെയുള്ള ഇന്ത്യക്കാരുടെ പേരുകളാണ് നല്കിയിരിക്കുന്നത്. എന്നാല് ഈ വിവരങ്ങള് വിദേശ മന്ത്രാലയം ഔദ്യോഗികമായി സ്ഥിരീകരിച്ചിട്ടില്ല. ഭീകരാക്രമണത്തില് 49 പേര് കൊല്ലപ്പെട്ടതായി ന്യൂസീലന്ഡ് സര്ക്കാര് സ്ഥിരീകരിച്ചിട്ടുണ്ട്. പ്രധാനമന്ത്രി ജസീന്ത ആര്ഡന് ആണ് മരണസംഖ്യ സ്ഥിരീകരിച്ചത്.