ന്യൂഡല്‍ഹി: പ്രശസ്ത സ്റ്റേജ് ഡാന്‍സറും ഗായികയുമായ സപ്ന ചൗധരി കോണ്‍ഗ്രസില്‍ ചേര്‍ന്നു. ഉത്തര്‍പ്രദേശ് കോണ്‍ഗ്രസ് കമ്മിറ്റി അധ്യക്ഷന്‍ രാജ് ബാബ്ബാറിന്‍റെ വസതിയില്‍ വച്ചാണ് അംഗത്വം സ്വീകരിച്ചത്.
ലോക്സഭാ തെരഞ്ഞെടുപ്പില്‍ സപ്ന ചൗധരിയെ മത്സരിക്കാനുള്ള സാധ്യതയുണ്ടെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.
മഥുര മണ്ഡലത്തില്‍ ബിജെപി സിറ്റിംഗ് എംപി ഹേമമാലിനിക്ക് എതിരെ സപ്നയെ മത്സരിപ്പിക്കാനാണ് കോണ്‍ഗ്രസ് നീക്കമെന്നാണ് സൂചന. എന്നാല്‍ ഇതുസംബന്ധിച്ചുള്ള ഔദ്യോഗിക പ്രസ്താവനകളൊന്നും പുറത്തുവന്നിട്ടില്ല. ജാട്ട് സമുദായത്തിന് സ്വാധീനമുള്ള മണ്ഡലത്തില്‍ സപ്നയുടെ സ്ഥാനാര്‍ഥിത്വം കോണ്‍ഗ്രസിന് ഗുണകരമാകുമെന്നാണ് വിലയിരുത്തല്‍.
യൂട്യൂബ് വീഡിയോകളിലൂടെ ജനപ്രീതി നേടിയ സപ്ന ചൗധരി ടെലിവിഷന്‍ റിയാലിറ്റി ഷോ ബിഗ് ബോസ് അടക്കം നിരവധി ഷോകളില്‍ പങ്കെടുത്തിട്ടുണ്ട്.
Follow Us/sathyam/media/agency_attachments/5VspLzgrB7PML1PH6Ix6.png)
