അമരാവതി: ആന്ധ്രാപ്രദേശില് എംഎല്എ കോവിഡ് നിരീക്ഷണത്തില്. ഭരണകക്ഷിയായ വൈഎസ്ആര് കോണ്ഗ്രസിന്റെ എംഎല്എ ഷെയ്ക് മുഹമ്മദ് മുസ്തഫയാണ് ക്വാറന്റൈനിലായത്.
ബന്ധുവിന് കോവിഡ് രോഗബാധ സ്ഥിരീകരിച്ചതിനെ തുടര്ന്നാണ് ഇദ്ദേഹം ഉള്പ്പെടെ 14 പേര് സ്വയം ക്വാറന്റൈനില് പോയത്. രോഗബാധ സ്ഥിരീകരിച്ച എംഎല്എയുടെ ബന്ധു ഡല്ഹി സന്ദര്ശിച്ചിരുന്നു. ഇദ്ദേഹവുമായി ബന്ധപ്പെട്ട മൂന്നുപേര്ക്ക് കോവിഡ് സ്ഥിരീകരിച്ചിട്ടുണ്ട്.
മുസ്ഫയ്ക്കു രോഗലക്ഷണങ്ങള് സ്ഥിരീകരിച്ചതായാണു സൂചന. ജിജിഎച്ച് വിജയവാഡയിലേക്ക് ഇദ്ദേഹത്തിന്റെ സ്രവം പരിശോധനയ്ക്കായി അയച്ചിട്ടുണ്ട്. ഫലം തിങ്കളാഴ്ച ലഭിക്കും.