മുംബൈ: : റിലയന്സ് കമ്മ്യൂണിക്കേഷന് ഉണ്ടായ ഭീമമായ നഷ്ടത്തിന്െറ കണക്കുകള് പുറത്തുവന്നതിന് പിന്നാലെ അനില് അംബാനി റിലയന്സ് കമ്മ്യൂണിക്കേഷന് ഡയറക്ടര് സ്ഥാനം രാജിവച്ചു.
റിലയന്സ് കമ്മ്യൂണിക്കേഷന്സിലെ മറ്റ് നാല് മുതിര്ന്ന ഉദ്യോഗസ്ഥരും അദ്ദേഹത്തോടൊപ്പം രാജിവെച്ചിട്ടുണ്ട്. ചായ വിരാനി, റൈന കരാനി, മഞ്ജരി കാക്കര്, സുരേഷ് രംഗച്ചാര് എന്നീ റിലയന്സ് കമ്മ്യൂണിക്കേഷന്സിന്െറ തലപ്പത്തിരുന്ന പ്രമുഖരാണ് രാജിവെച്ചത്.
2019-20 രണ്ടാം പാദത്തില് റിലയന്സ് കമ്മ്യൂണിക്കേഷന്റെ ഏകീകൃത നഷ്ടം 30,142 കോടി രൂപയാണ്. വെള്ളിയാഴ്ചയാണ് ഈ കണക്ക് പുറത്ത് വിട്ടത്. ബോംബെ സ്റ്റോക്ക് എക്സ്ചേഞ്ചിനും നാഷണല് സ്റ്റോക്ക് എക്സ്ചേഞ്ച് ഓഫ് ഇന്ത്യ ലിമിറ്റഡിനും അയച്ച കത്തിലാണ് റിലയന്സ് കമ്മ്യൂണിക്കേഷന് സമീപകാല സംഭവവികാസങ്ങള് വെളിപ്പെടുത്തിയത്.