അന്യഭാഷാ നായികയെങ്കിലും കരിയറിന്റെ തുടക്കകാലത്തു 'പയ്യൻസി'ലൂടെ ജയസൂര്യയുടെ നായികയായെത്തി മലയാളികളുടെ ഇഷ്ടം നേടിയ നായികയാണ് അഞ്ജലി.
പിന്നീടു അന്യഭാഷകളില് സജീവമായിരുന്ന നടി വലിയൊരു ഇടവേളയ്ക്കു ശേഷം ഇപ്പോൾ പ്രദർശനം തുടരുന്ന റോസാപ്പൂ എന്ന ചിത്രത്തിലൂടെ വീണ്ടും മലയാളത്തിലേക്കെത്തിയിരിക്കുന്നു.
ഗ്ലാമറസായി അഭിനയിക്കാനാണ് താല്പര്യം എന്നാണ് നടിയുടെ പുതിയ വെളിപ്പെടുത്തല്. 'ഗ്ലാമറസായി തുടങ്ങുന്നത് കലകലപ്പ് എന്ന സിനിമ ചെയ്യുന്ന സമയം മുതലാണ്.
അത് ആ കഥാപാത്രത്തിനു വേണ്ടിയിരുന്നതാണ്. സേട്ടൈ ചെയ്യുമ്പോൾ അതിൽ ഞാൻ ഒരു റിപ്പോർട്ടറാണ്. അപ്പോൾ ഗ്രാമീണ വേഷത്തിൽ എത്താൻ പറ്റില്ല. കഥാപാത്രത്തിന്റെ ലുക്ക് വളരെ പ്രാധാന്യമുള്ളതാണ്.
സാധാരണയിൽ നിന്നും കുറച്ചുകൂടി മോഡേണായിട്ടായിരിക്കും അവളുടെ സ്വപ്നത്തിൽ വരുന്നത്. കഥാപാത്രം ഡിമാൻഡു ചെയ്യുമ്പോൾ അതു നമ്മൾ ചെയ്യുന്നു. കലകലപ്പ് മുതൽ അത്യാവശ്യം ഗ്ലാമറായി ചെയ്യുന്നുണ്ട്. അത്തരം കഥാപാത്രങ്ങൾ ചെയ്യാൻ എനിക്കിഷ്ടമാണ്.'
നടന് ജയ് - അഞ്ജലി വിവാഹ വാര്ത്തകളും നടി തള്ളികളഞ്ഞു. ' നിറയെ ഗോസിപ്പുകൾ അത്തരത്തിൽ വരുന്നുണ്ട്. ജയ് എന്റെ അടുത്ത മിത്രമാണ്. ഇത്തരത്തിലുള്ള ഗോസിപ്പുകൾക്കൊന്നും മറുപടി കൊടുക്കാൻ നിൽക്കാറില്ല.
നമ്മൾ പറയാത്തൊരു കാര്യത്തിനു മറുപടി പറഞ്ഞു തുടങ്ങിയാൽ പിന്നെ സിനിമയിൽ അഭിനയിക്കാൻ സമയം കിട്ടാതെ പോകും.
എന്റെ അഭിമുഖങ്ങൾ പോലും ഞാൻ ശ്രദ്ധിക്കില്ല. വീട്ടിൽ ഞാനിരിക്കുമ്പോൾ പോലും എന്റെ അഭിമുഖങ്ങളൊക്കെ ടിവിയിൽ വന്നാൽ അതു കാണാറില്ല. അതു നന്നാക്കാമായിരുന്നല്ലോ എന്ന അനാവശ്യമായ ചിന്തവരും.
ഞാൻ അഭിനയിച്ച സിനിമകൾ കാണുമ്പോൾപോലും അതു തോന്നാറുണ്ട്. അതുകൊണ്ടു തന്നെ ഗോസിപ്പുകളൊന്നും എന്നെ ബാധിക്കുന്നില്ല എന്നതാണ് സത്യം.'