തൃശൂര്: എറണാകുളം ഫോര്ട്ട് കൊച്ചി സ്വദേശിനി ആന്ലിയയുടെ മരണത്തില് ഭര്ത്താവ് ജസ്റ്റിന്റെ ജാമ്യാപേക്ഷ തൃശ്ശൂര് പ്രിന്സിപ്പല് ജില്ലാ സെഷന്സ് കോടതി തള്ളി.
ക്രൈംബ്രാഞ്ച് പോലീസ് വിശദമായ അന്വേഷണം നടത്തിവരുകയാണെന്നും ഇനിയും തെളിവുകള് ശേഖരിക്കാനും, സാക്ഷികളെ കണ്ട് മൊഴിയെടുക്കാനും ഉള്ളതിനാല് പ്രതി ജസ്റ്റിന് ഇപ്പോള് ജാമ്യം അനുവദിക്കരുതെന്ന പ്രോസിക്യൂഷന്റെ വാദങ്ങള് പരിഗണിച്ചാണ് സെഷന്സ് കോടതി പ്രതിയുടെ ജാമ്യഹര്ജി തള്ളിയത്.
കോടതിയില് കീഴടങ്ങിയ ആന്ലിയയുടെ ഭര്ത്താവ് ജസ്റ്റിനെ ക്രൈംബ്രാഞ്ച് വിശദമായി ചോദ്യം ചെയ്തിരുന്നു. ഇയാളുടെ അന്നക്കരയിലെ വീട്ടിലും തൃശ്ശൂര് റെയില്വേ സ്റ്റേഷനിലും തെളിവെടുപ്പ് നടത്തിയിരുന്നു. ഇതിലൊന്നും കൊലപാതകത്തിലേക്ക് നയിക്കുന്ന തെളിവുകള് ഇല്ലെന്നാണ് ക്രൈബ്രാഞ്ചിന്റെ നിലപാട്. ജസ്റ്റിന്റെ ഫോണ് പരിശോധിച്ചപ്പോള് ആത്മഹത്യക്ക് പ്രേരണയാകാവുന്ന മെസേജുകള് പൊലീസ് കണ്ടെത്തിയിരുന്നു.