ഇന്ത്യയ്ക്ക് പിന്നാലെ ടിക്ടോക് നിരോധിക്കാനുള്ള പദ്ധതിയുമായി പാകിസ്ഥാനും

ഇസ്ലമാബാദ്‌: ഇന്ത്യയ്ക്ക് പിന്നാലെ ചൈനീസ് സോഷ്യല്‍ മീഡിയ ആപ്ലിക്കേഷനായ ടിക്ടോക് നിരോധിക്കാനുള്ള പദ്ധതിയുമായി പാകിസ്ഥാനും. ചൈനീസ് കമ്പനിയായ ബൈറ്റ് ഡാന്‍സിന്റെ ഉടമസ്ഥതയിലുള്ള ടിക്ടോകിന് പാക് സര്‍ക്കാര്‍ അന്ത്യശാസനം നല്‍കിയെന്നാണ് റിപ്പോര്‍ട്ടുകള്‍.

ചൈനീസ് നിയന്ത്രണത്തിലുള്ള ഗെയിമിങ് ആപ്ലിക്കേഷനായ പബ്ജിയും സിംഗപ്പൂര്‍ ആസ്ഥാനമായി പ്രവര്‍ത്തിക്കുന്ന ലൈവ് സ്ട്രീമിങ് പ്ലാറ്റ്‌ഫോമായ ബിഗോയും പാകിസ്ഥാന്‍ നിരോധിച്ചിരുന്നു. ഇതിനു പിന്നാലെയാണ് ടിക്ടോക് നിരോധിക്കാനുള്ള നീക്കം.