ബേണ് . സീറോമലബാര് ക്രൈസ്തവ സമൂഹത്തിന്റെ വാര്ഷിക ധ്യാനം മാര്ച്ച് 23,24,25 തീയതികളില് ബേണ് വി. അന്തോനീസ് ദേവാലയത്തില് നടക്കും. ഈ വര്ഷത്തെ വാര്ഷിക ധ്യാനം നയിക്കുന്നത് പ്രമുഖ സുവിശേഷ പ്രഘോഷകനും , മനശ്ശാസ്ത്ര വിദഗ്ദനുമായ ഫാ . അനീഷ് ഈറ്റക്കുന്നേലാണ് .
മാര്ച്ച് 23 വെള്ളിയാഴ്ച ഉച്ചയ്ക്ക് 3 മണി മുതല് 8 മണി വരെയും 24 ശനിയാഴ്ച രാവിലെ 9 മണി മുതല് വൈകുന്നേരം 6 മണി വരെയും 25 ഞായറാഴ്ച 1.30 മണി മുതല് രാത്രി 8 മണിവരെയുമാണ് ധ്യാന ശുശ്രൂഷകള്. വെള്ളിയാഴ്ച വൈകുന്നേരം 7 മണിക്ക് അഭിവന്ദ്യ തിരുമേനിയുടെ മുഖ്യകാര്മ്മികത്വത്തില് ദിവ്യ ബാലിയര്പ്പിക്കുന്നതുമാണ് .
ക്രൈസ്തവ ജീവിതത്തിന്റെ ഏറ്റവും പ്രധാനപ്പെട്ട വലിയ നോയമ്പുകാലത്തില് പങ്കെടുത്ത് ക്രൈസ്തവ സാക്ഷ്യം നവീകരിക്കുന്നതിനും , വിശുദ്ധ വാരത്തിലേക്കും പീഡാനുഭവ ശുശ്രൂഷകളിലേക്കും ഒരുങ്ങുന്നതിനും , ഫാ . അനീഷ് ഈറ്റക്കുന്നേല്, നയിക്കുന്ന നോയിമ്പുകാല ധ്യാനത്തിലേക്ക് ഏവരേയും സ്നേഹപൂര്വ്വം ക്ഷണിക്കുന്നതായി സിറോ മലബാര് കോഡിനെറ്റര് ഫാ. തോമസ് പ്ലാപ്പള്ളി അറിയിച്ചു .