ബീജിംഗ്: കടം വാങ്ങി മുങ്ങുന്നവരെ കണ്ട് പിടിക്കാന് ഇനി മാഷിയിട്ടൊന്നും നോക്കണ്ട. പകരം ഫോണില് ഒരു ആപ് ഇന്സ്റ്റാള് ചെയ്താല് മാത്രം മതി.
ചൈനയിലെ അതിപ്രശസ്ത മെസേജിംഗ് പ്ലാറ്റ്ഫോമായ വീചാറ്റിലൂടെയാണ് ഈ ആപ് ഇന്സ്റ്റാള് ചെയ്യേണ്ടത്. പണം നല്കാനുള്ള വ്യക്തിയെക്കുറിച്ചുളള ചില വിവരങ്ങള് ആപ്പില് നല്കുമ്പോള് അയാള് എവിടെയുണ്ടെന്ന് ആപ് കാണിച്ച് തരും.
ഇതിനിടെ അയാള് സ്ഥലംവിടാന് ശ്രമിക്കുകയാണെങ്കില് അതും അറിയാനൊക്കും. എന്നാല്, അഞ്ഞൂറുമീറ്ററിനും അപ്പുറമാണ് അയാളെങ്കില് കൃത്യമായ വിവര൦ ലഭിച്ചെന്ന് വരില്ല.
പണം നല്കാനുള്ള വ്യക്തിയുടെ പേര്, ഫോട്ടോ, തുടങ്ങിയവ ആപില് നല്കാന് കഴിയില്ല. എന്നാല്, അധികം വൈകാതെ ഈ സേവനവും ലഭ്യമാക്കുമെന്നാണ് സൂചന.
ചൈനയിലെ ഹെബെയ് പ്രദേശത്തുള്ളവര്ക്ക് മാത്രമാണ് നിലവില് ഈ ആപ്പ് ഉപയോഗിക്കാനാവുക. ചൈനയിലെ മറ്റു പ്രദേശങ്ങളിലുള്ളവര്ക്കും ആപ്പിന്റെ പ്രയോജനം ലഭിക്കാനുള്ള നടപടികള് അധികൃതര് സ്വീകരിച്ചു തുടങ്ങിയിട്ടുണ്ട്.