ന്യൂഡല്ഹി: ഡല്ഹിയിലെ ഭൂരിപക്ഷ സീറ്റുകളും തൂത്തുവാരി വിജയിച്ച ശേഷം ആദ്യമായി കേന്ദ്ര ആഭ്യന്തരമന്ത്രിയുമായി കൂടിക്കാഴ്ച നടത്തി മുഖ്യമന്ത്രി അരവിന്ദ് കേജരിവാള്. കൂടിക്കാഴ്ച വളരെ ഫലപ്രദമായിരുന്നു എന്ന് അമിത്ഷായെ കണ്ടതിന് ശേഷം കേജരിവാള് ട്വീറ്റ് ചെയ്തു.
അമിത്ഷായുമായി കൂടിക്കാഴ്ച നടത്തി. വളരെ ഫലപ്രദമായ കൂടിക്കാഴ്ച ആയിരുന്നു. ഡല്ഹിയുമായി ബന്ധപ്പെട്ട പല വിഷയങ്ങളും ചര്ച്ച ചെയ്തു. ഡല്ഹിയുടെ വികസനത്തിനായി ഒരുമിച്ചു പ്രവര്ത്തിക്കാമെന്ന് ഇരുവരും പരസ്പരം ഉറപ്പുനല്കിയെന്നും കേജരിവാള് ട്വിറ്ററില് കുറിച്ചു. ഷഹീന്ബാഗ് വിഷയം കൂടിക്കാഴ്ചയില് സംസാരിച്ചോ എന്ന മാധ്യമപ്രവര്ത്തകരുടെ ചോദ്യത്തിന് ഇല്ലെന്നാണു കേജരിവാള് മറുപടി നല്കിയത്.