അമ്പെയ്ത്ത് ലോകകപ്പ് സ്റ്റേജ് ത്രീയിൽ ട്രിപ്പിൾ സ്വർണം നേടിയതിന് പിന്നാലെ ഇന്ത്യൻ താരം ദീപികാ കുമാരി ലോക റാങ്കിങ്ങിൽ ഒന്നാമത്

പാരിസ്: അമ്പെയ്ത്ത് ലോകകപ്പ് സ്റ്റേജ് ത്രീയിൽ ട്രിപ്പിൾ സ്വർണം നേടിയതിന് പിന്നാലെ ഇന്ത്യൻ താരം ദീപികാ കുമാരി വനിതാ സിംഗിൾസ് റീക്കർവ് വിഭാഗത്തിൽ ലോക റാങ്കിങ്ങിൽ ഒന്നാമത്. ഇതിന് മുമ്പ് 2012-ൽ ദീപികാ ഒന്നാം റാങ്കിലെത്തിയിരുന്നു.

പാരിസിൽ നടക്കുന്ന ലോകകപ്പിൽ വനിതാ സിംഗിൾസ്, വനിതാ ടീം, മിക്സഡ് ടീം റീക്കർവ് വിഭാഗങ്ങളിലാണ് ദീപിക സ്വർണത്തിലേക്ക് അമ്പെയ്തത്. ടോക്കിയോ ഒളിമ്പിക്സിന് യോഗ്യത നേടിയ ഇന്ത്യൻ അമ്പെയ്ത്ത് ടീമിലെ ഏക വനിതാ താരമാണ് ദീപികാ കുമാരി.