അണക്കര: ഇടുക്കി അണക്കരയില് ബാങ്ക് ജീവനക്കാരെ ആക്രമിച്ച കേസില് നാല് സിഐടിയു ലോഡിംഗ് തൊഴിലാളികള് അറസ്റ്റില്. കുരുവിള, ബാബു, കുഞ്ഞുമോന്, ബിനോയ് എന്നിവരെയാണ് വണ്ടന്മേട് പോലീസ് അറസ്റ്റ് ചെയ്തത്.
ചൊവ്വാഴ്ച രാത്രിയിലാണ് അണക്കരയില് പുതുതായി ആരംഭിക്കുന്ന ബാങ്കില് ലോക്കര് ഇറക്കാന് എത്തിയ ബാങ്ക് ജീവനക്കാരെയും ഏജന്സി ജീവനക്കാരെയും തൊഴിലാളികള് ആക്രമിച്ചത്. പരിക്കേറ്റ ഏഴ് പേര് കട്ടപ്പനയിലെ സ്വകാര്യ ആശുപത്രിയില് ചികിത്സ തേടിയിരുന്നു.