കൊച്ചി: യുഎഇ കോണ്സുലേറ്റ് ബാഗ് സ്വര്ണക്കടത്ത് കേസില് ഫൈസല് ഫരീദിന് ജാമ്യമില്ലാ വാറന്റ്. പിടികൂടാന് ഇന്റര്പോള് സഹായം തേടും. സന്ദീപിന്റെ ബാഗ് നാളെ പരിശോധിക്കും. നിര്ണായക തെളിവുണ്ടെന്ന് എന്ഐഎ വ്യക്തമാക്കി.
അതേസമയം, സ്വര്ണക്കടത്ത് കേസില് മൂവാറ്റുപുഴക്കാരന് ജലാല് ഉള്പ്പെടെ മൂന്നുപേര് കൂടി ഇന്ന് കസ്റ്റംസ് പിടിയിലായി. റിമാന്ഡില് കഴിയുന്ന റമീസില് നിന്ന് സ്വര്ണം കൈപറ്റിയവരാണ് മൂന്നുപേരും. ഇതില് ജലാല് മുന്പും സ്വര്ണകടത്ത് കേസില് ഉള്പ്പെട്ടയാളാണ്. രണ്ടുവര്ഷം മുൻപ് തിരുവനന്തപുരം വിമാനത്താവളം വഴി 5 കിലോ സ്വര്ണം കടത്തിയിട്ടുണ്ട് ജലാല്.