ഇന്ത്യയിലെ ഏറ്റവും മികച്ച മുഖ്യമന്ത്രി എം കെ സ്റ്റാലിൻ, പിണറായി വിജയൻ രണ്ടാം സ്ഥാനത്ത് ! ഒറീസ മുഖ്യമന്ത്രി നവീൻ പട്നായിക് മൂന്നാമത്. സർവേ നടത്തിയത് മുഖ്യമന്ത്രിമാരുടെ പ്രവർത്തനങ്ങളും, ജനസമ്മിതിയും,തെരഞ്ഞടുപ്പിലെ പ്രകടനവും വിലയിരുത്തി. രാജസ്ഥാൻ മുഖ്യമന്ത്രി അശോക് ഗെഹ്ലോട്ട് ഏറ്റവും പിന്നിൽ ! ജനപ്രീതിയുടെ കാര്യത്തിൽ ആദ്യ പത്തിൽ ഇടം പിടിക്കാതെ കോൺഗ്രസ് മുഖ്യമന്ത്രിമാർ. സർവേ സംഘടിപ്പിച്ചത് ഓർമാക്സ് മീഡിയ പ്രൈവറ്റ് ലിമിറ്റഡ്

ഓര്‍മാക്സ് മീഡിയ പ്രൈവറ്റ് ലിമിറ്റഡ് നടത്തിയ ഓൺലൈൻ സർവ്വേയിൽ ഇന്ത്യയിലെ ഏറ്റവും മികച്ച മുഖ്യമന്ത്രി യായി (Best Chief Minister of India) തമിഴ് നാട് മുഖ്യമന്ത്രി എം.കെ സ്റ്റാലിൻ തെരഞ്ഞെടുക്കപ്പെട്ടു. അദ്ദേഹത്തിന് 68 % വോട്ടുകളാണ് ലഭിച്ചത്.

രണ്ടാം സ്ഥാനം കരസ്ഥമാക്കിയ കേരള മുഖ്യമന്ത്രി പിണറായി വിജയന് ലഭിച്ചത് 67 % വോട്ടുകൾ. മൂന്നാം സ്ഥാനത്ത് ഒഡീഷ മുഖ്യമന്ത്രി നവീൻ പറ്റ്നയിക്കാണ്, അദ്ദേഹത്തിന് 63 % വോട്ടുകൾ ലഭിച്ചു.

തുടർന്നുള്ള സ്ഥാനങ്ങളും അവർക്കു ലഭിച്ച വോട്ടിങ് ശതമാനവും ഇപ്രകാരമാണ്.

നാലാം സ്ഥാനം - ആസ്സാം മുഖ്യമന്ത്രി ഹിമാന്ത ബിശ്വ ശർമ്മ - 60 %, 5. ബംഗാൾ മുഖ്യമന്ത്രി മമതാ ബാനർജി -58 %, 6. ഉത്തർപ്രദേശ് മുഖ്യമന്ത്രി ജോഗി ആദിത്യനാഥ് -54 %, 7. ഡൽഹി മുഖ്യമന്ത്രി അരവിന്ദ് കെജ്‌രിവാൾ -52 %, 8. മദ്ധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാൻ -51 %,  ഹിമാചൽ മുഖ്യമന്ത്രി ജയറാം താക്കൂർ -51 %, 9. മഹാരഷ്ട്ര മുഖ്യമന്ത്രി - ഉദ്ധവ് താക്കറെ -47%, ആന്ധ്രാ സി.എം വൈ.എസ് ജഗൻ റെഡ്ഢി -47 %, 10. ഗോവ മുഖ്യമന്ത്രി പ്രമോദ് സാവന്ത് - 47 % എന്നിങ്ങനെയാണ് ഒന്നുമുതൽ 10 വരെ റാങ്കുപട്ടികയിൽ ഇടം നേടിയ ഇന്ത്യയിലെ മികച്ച മുഖ്യമന്ത്രിമാരുടെ ലിസ്റ്റ്.

ഈ മുഖ്യമന്ത്രിമാരുടെ പ്രവർത്തനങ്ങളും,ജനസമ്മിതിയും,തെരഞ്ഞടുപ്പിലെ പ്രകടനവും വിലയിരുത്തി യാണ് സർവ്വേ നടത്തപ്പെട്ടത്.

സർവ്വേ പ്രകാരം ഏറ്റവും മോശം പ്രകടനം കാഴ്ചവച്ച മുഖ്യമന്ത്രിമാർ ഇവരാണ്: 1. രാജസ്ഥാൻ - അശോക് ഗെഹ്ലോത് - 45 %, ബീഹാർ - നിതീഷ് കുമാർ - 45 %, ഗുജറാത്ത് - വിജയ് രൂപാണി - 44 %, ഛത്തീസ്ഗഡ് - ഭൂപേഷ് ബഘേൽ -42 %, കർണ്ണാടക- ബി.എസ് യെദ്യൂരപ്പ -40 %, തെലുങ്കാന- കെ.ചന്ദ്രശേഖരറാവു -36 %, ജാർഖണ്ഡ് -ഹേമന്ത് സോറൻ -32 %, ഹരിയാന - എം.എൽ.ഖട്ടർ -32 %, പഞ്ചാബ് - ക്യാപ്റ്റൻ അമരീന്ദർ സിംഗ് -30 % എന്നിങ്ങനെയാണ്.