ഗോഹട്ടി: പൗരത്വ ഭേദഗതി ബില്ലിനെതിരെ ആസാമില് പ്രതിഷേധം ആളിക്കത്തുന്നു. ആസാമിലെ ഗോഹട്ടിയില് പ്രതിഷേധക്കാര്ക്കുനേരെ പോലീസ് നടത്തിയ വെടിവയ്പില് പരിക്കേറ്റ മൂന്ന് പേര് മരിച്ചു. നിരോധനാജ്ഞ ലംഘിച്ച് തെരുവിലിറങ്ങിയവര്ക്കു നേരെ ഇന്ന് വൈകുന്നേരമാണ് വെടിവയ്പുണ്ടായത്. നിരവധി പേര്ക്ക് പരിക്കേറ്റതായും ദേശീയ മാധ്യമങ്ങള് റിപ്പോര്ട്ട് ചെയ്തു.
ചിലയിടങ്ങളില് പ്രതിഷേധക്കാരെ പിരിച്ചുവിടാന് സുരക്ഷാ സേനയും ആകാശത്തേക്ക് വെടിയുതിര്ത്തുവെന്നും റിപ്പോര്ട്ടുകളുണ്ട്. ഇതില് രണ്ടു പേരുടെ നില ഗുരുതരമാണെന്നും റിപ്പോര്ട്ടുണ്ട്. സര്ക്കാര് വാഹനങ്ങളും പോലീസ് വാഹനങ്ങളും പ്രതിഷേധക്കാര് അഗ്നിക്കിരയാക്കി. ധാക്കുഖന്ന, ലാഖിംപുര് ജില്ലകളിലെ ബിജെപി, ആസാം ഗണപരിഷത് ഓഫീസുകള് പ്രതിഷേധക്കാര് തീവച്ച് നശിപ്പിച്ചു. പ്രതിഷേധം അണയാതെ ആളിപ്പടരുന്നതിനാല് ആസാമില് ഇന്റര്നെറ്റ് മൊബൈല് സര്വീസുകള് സസ്പെന്ഡ് ചെയ്തു.
അക്രമസംഭവങ്ങളുടെ പശ്ചാത്തലത്തില് ആസാമില് വിദ്യാഭ്യാസ സ്ഥാപനങ്ങള്ക്ക് അടുത്ത പത്ത് ദിവസത്തേക്ക് അവധി പ്രഖ്യാപിച്ചു.
മേഘാലയായിലും പ്രതിഷേധങ്ങളുടെ പശ്ചാത്തലത്തില് ഇന്റര്നെറ്റ് വിച്ഛേദിച്ചു. നൂറുകണക്കിന് പ്രതിഷേധക്കാരാണ് മേഘാലയായിലും തെരുവിലറങ്ങിയത്.