മലപ്പുറം: മലപ്പുറം പെരിന്തൽമണ്ണയിൽ കൊവിഡ് രോഗിക്കുനേരെ പീഡനശ്രമമെന്ന് പരാതി. പെരിന്തൽമണ്ണയിൽ സ്കാനിംഗിനായി കൊണ്ടുപോവുമ്പോൾ സ്വകാര്യ ആംബുലൻസിലെ അറ്റൻഡര് യുവതിയെ ഉപദ്രവിച്ചെന്നാണ് പരാതി. പ്രതി പുലാമന്തോള് ശങ്കരമംഗലത്ത് വീട്ടില് പ്രശാന്തിനെ പൊലീസ് കസ്റ്റഡിയിലെടുത്തു.
പെരിന്തല്മണ്ണയിലെ ആശുപത്രിയില് കൊവിഡ് ചികിത്സയിലായിരുന്നു 38-കാരിയായ വണ്ടൂര് സ്വദേശിനി. ഏപ്രില് 27-ന് പുലര്ച്ചെ ഇവരെ ആശുപത്രിയില്നിന്ന് പുറത്തേക്ക് സ്കാനിങ്ങിനായി കൊണ്ടുപോയി. അപ്പോഴാണ് യുവതിയെ പീഡിപ്പിക്കാന് ശ്രമം നടന്നതെന്നാണ് പരാതി.
പ്രതികരിക്കാൻ പോലുമാവാത്ത ആരോഗ്യനിലയിലായിരുന്നുവെന്ന് യുവതി പറയുന്നു. ചികിത്സ കഴിഞ്ഞ് വണ്ടൂരിലെ വീട്ടിലെത്തിയ ശേഷം വീണ്ടും ഡോക്ടറെ കാണാന് പോയിരുന്നു. ആ സമയത്ത് യുവതി സംഭവത്തെ കുറിച്ച് ഡോക്ടറോടു പറയുകയായിരുന്നു.