ടെഹ്റാന്: ഇറാനെതിരെ ആക്രമണം നടത്താന് ബ്രിട്ടീഷ് അധികൃതരോട് സൗദി ഇന്റലിജന്സ് മേധാവി ആവശ്യപ്പെട്ടതായി റിപ്പോര്ട്ട്. ഇറാനിയന് സൈനിക കേന്ദ്രങ്ങള് ലക്ഷ്യമിട്ട് നിയന്ത്രിത ആക്രമണങ്ങള് നടത്താനാണ് ആവശ്യം.
ഇറാനെതിരെ തിരിച്ചടിക്കാനുള്ള നീക്കം യു.എസ് പ്രസിഡന്റ് ഡൊണാള്ഡ് ട്രംപ് ഉപേക്ഷിച്ചതിനു പിന്നാലെയാണിതെന്ന് യു.കെയിലെ മുതിര്ന്ന ഉദ്യോഗസ്ഥന് പറഞ്ഞതായി മിഡില് ഈസ്റ്റ് ഐ റിപ്പോര്ട്ടു ചെയ്യുന്നു.
ഇന്റലിജന്സ് മേധാവിക്കൊപ്പം സൗദി നയതന്ത്രജ്ഞന് ആദില് അല് ജുബൈറും ലണ്ടനിലുണ്ടെന്നാണ് റിപ്പോര്ട്ട്.
അതേസമയം, സൗദിയുടെ അഭ്യര്ത്ഥന ബ്രിട്ടന് പരിഗണിച്ചിട്ടില്ലെന്നാണ് യു.കെ വൃത്തങ്ങള് പറയുന്നത്. ‘ ഞങ്ങള്ക്ക് ശുഭാപ്തി വിശ്വാസമുണ്ട്. ‘നോ’ എന്നാണ് സൗദി അധികൃതരുടെ അഭ്യര്ത്ഥനയ്ക്ക് കിട്ടിയിടിരിക്കുന്ന മറുപടി’ എന്ന് യു.കെ വൃത്തങ്ങള് പറഞ്ഞതായും റിപ്പോര്ട്ടില് പറയുന്നു.