തിരുപ്പതി: അവിനാശി വാഹനാപകടവുമായി ബന്ധപ്പെട്ട് അറസ്റ്റിലായ ലോറി ഡ്രൈവര് ഹേമരാജിനെ 15 ദിവസത്തേയ്ക്ക് കോടതി റിമാന്ഡ് ചെയ്തു. കോയമ്പത്തൂര് സെന്ട്രല് ജയിലേക്കാവും ഹേമരാജിനെ മാറ്റുക.
മനപൂര്വ്വമല്ലാത്ത നരഹത്യക്കാണ് പോലീസ് കേസെടുത്തത്. അശ്രദ്ധമായി വാഹനമോടിച്ചതിനാണ് നടപടി. ഹേമരാജിന്റെ ഡ്രൈവിംഗ് ലൈസന്സ് റദ്ദാക്കുമെന്നും പോലീസ് അറിയിച്ചു. ഹേമരാജ് അപകടത്തിന് പിന്നാലെ പോലീസില് കീഴടങ്ങിയിരുന്നു.
കണ്ടെയ്നര് ലോറി നിയന്ത്രണം വിട്ട് ദേശീയപാതയുടെ മീഡിയനിലൂടെ 50 മീറ്റര് സഞ്ചരിച്ച ശേഷമാണ് എതിര് ദിശയില് വന്ന ബസിലിടിച്ചതെന്ന് മോട്ടോര് വാഹനവകുപ്പിന്റെ പ്രാഥമിക പരിശോധനയില് വ്യക്തമായിട്ടുണ്ട്.