New Update
തിരുവനന്തപുരം: ബാബറി മസ്ജിദ് തകര്ത്ത കേസില് എല്ലാ പ്രതികളേയും വിട്ടയച്ച കോടതി വിധി മതനിരപേക്ഷ ജനാധിപത്യവാദികളെ ഞെട്ടിപ്പിക്കുന്നതാണെന്നു സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്.
ഭരണഘടനയും നീതിന്യായ വ്യവസ്ഥയും ഇപ്പോഴും നിലനില്ക്കുന്നുണ്ടോ എന്ന ചോദ്യമാണു ലക്നോ കോടതി വിധി ഉയര്ത്തുന്നത്.
ലോകമാകെ തത്സമയം കണ്ട കുറ്റകൃത്യത്തില് തെളിവുകള് ഹാജരാക്കാന് സിബിഐക്ക് കഴിഞ്ഞില്ലെന്നതും അതീവ ഗൗരവമാണ്.
പള്ളി തകര്ക്കുന്നതും അതില് ആഹ്ലാദിച്ച് ബിജെപി നേതാക്കള് ആലിംഗനം ചെയുന്നതു വരെ ടെലിവിഷന് ദൃശ്യങ്ങളില് ലോകം കണ്ടത് തെളിവുകളാകാതെ പോയത് എങ്ങനെയാണെന്നു സിബിഐ വ്യക്തമാക്കണമെന്നും കോടിയേരി ബാലകൃഷ്ണന് പറഞ്ഞു.