ഒൻപതു മാസം പ്രായമുള്ള പെൺകുഞ്ഞിന്‍റെ മുഖത്തിരുന്ന് പൂച്ച ഉറങ്ങി ; ശ്വാസം മുട്ടി കുഞ്ഞ് മരിച്ചു

കുടുംബത്തിലെ ഓമനപ്പൂച്ച ഒൻപതു മാസം മാത്രം പ്രായമുള്ള കുഞ്ഞിന്‍റെ ജീവനെടുത്തു. ഉക്രയിനിലാണ് സംഭവം. തന്‍റെ കളിപ്പാട്ട വണ്ടിയിൽ ഇരുന്ന് ചെറുതായി ഒന്നു മയങ്ങിയതായിരുന്നു കുഞ്ഞ്. അപ്പോഴാണ് വീട്ടിലെ പൂച്ച കുഞ്ഞിന്‍റെ മുഖത്ത് കയറിയിരുന്ന് ഉറങ്ങിപ്പോയത്. ശ്വാസം മുട്ടി കുഞ്ഞ് മരിക്കുകയായിരുന്നു.

വീടിന്‍റെ പിറകുവശത്തെ മുറ്റത്ത് തന്‍റെ കളിപ്പാട്ട വണ്ടിയിൽ കുഞ്ഞ് ഇരിക്കുമ്പോൾ ആയിരുന്നു സംഭവം. കുഞ്ഞിന്‍റെ സമീപത്ത് തന്നെ വീട്ടുജോലികൾ പൂർത്തിയാക്കി കൊണ്ട് അമ്മയും ഉണ്ടായിരുന്നു. ആ സമയത്താണ്, വീട്ടിലെ ഓമനപ്പൂച്ചകളിൽ ഒന്ന് കളിപ്പാട്ട വണ്ടിയിൽ കയറി കുഞ്ഞിന്‍റെ മുഖത്തിരുന്ന് ഉറങ്ങിപ്പോയത്.

എന്നാൽ, ഇതൊന്നും അമ്മ അറിഞ്ഞിട്ടുണ്ടായിരുന്നില്ല. കുഞ്ഞിനെ നോക്കാൻ വേണ്ടി അമ്മയെത്തിയപ്പോളാണ് കുഞ്ഞിന്‍റെ മുഖത്തിരുന്ന് പൂച്ച ഉറങ്ങുന്നത് കണ്ടത്.