ന്യൂഡല്ഹി: ബോളിവുഡ് ഇതിഹാസം അമിതാഭ് ബച്ചന് ദാദാ സാഹിബ് ഫാല്ക്കെ പുരസ്കാരം.
ഇന്ത്യന് സിനിമയ്ക്ക് നല്കിയ സമഗ്രസംഭാവനകള് പരിഗണിച്ചാണ് പുരസ്കാരം നല്കുന്നത്. കേന്ദ്രമന്ത്രി പ്രകാശ് ജാവദേക്കറാണ് ഇക്കാര്യം അറിയിച്ചത്.
ഏകകണ്ഠമായിരുന്നു തീരുമാനമെന്ന് മന്ത്രി ട്വിറ്ററില് പറഞ്ഞു. രാജ്യം മുഴുവനും അന്താരാഷ്ട്ര സമൂഹവും ബച്ചന് പുരസ്കാരം ലഭിച്ചതില് സന്തോഷിക്കുന്നു. താനും അദ്ദേഹത്തെ അഭിനന്ദിക്കുന്നതായും മന്ത്രി വ്യക്തമാക്കി.
1969ല് ഖ്വാജ അഹമ്മദ് അബ്ബാസ് സംവിധാനം ചെയ്ത 'സാത് ഹിന്ദുസ്ഥാനി'യിലെ അന്വര് അലി എന്ന കഥാപാത്രത്തിലൂടെ സിനിമയിലെത്തിയ അമിതാഭ് ബച്ചന് അര നൂറ്റാണ്ട് നീണ്ട ചലച്ചിത്ര ജീവിതത്തിനിടയില് 190ലേറെ സിനിമകളില് വേഷമിട്ടു. മികച്ച നടനുള്ള ദേശീയ പുരസ്കാരം നാലു തവണ നേടിയ ബച്ചനെ തേടി എത്തിയിരുന്നു.