മനാമ: ബഹറിനിൽ ഒന്പതു പേർക്കു കൂടി കൊറോണ വൈറസ് (കൊവിഡ്-19) സ്ഥിരീകരിച്ചു. ബഹറിൻ, സൗദി പൗരൻമാർക്കാണ് രോഗബാധ സ്ഥിരീകരിച്ചതെന്ന് ബഹറിൻ ആരോഗ്യ മന്ത്രാലയം അറിയിച്ചു.
ദുബായ്, ഷാർജ എന്നിവിടങ്ങളിൽനിന്ന് ബഹറിൻ അന്താരാഷ്ട്ര വിമാനത്താവളത്തിൽ എത്തിയവർക്കാണ് രോധ ബാധ സ്ഥിരീകരിച്ചിരിക്കുന്നതെന്നാണു റിപ്പോർട്ട്. ഇതുവരെ രാജ്യത്ത് 17 കൊറോണ പോസിറ്റീവ് കേസുകളാണ് റിപ്പോർട്ട് ചെയ്തിട്ടുള്ളത്.
വൈറസ് ബാധ സ്ഥിരീകരിച്ചവരെ ആദ്യം വിമാനത്താവളത്തിലെ തന്നെ ഐസോലേഷൻ മേഖലയിലേക്കും പിന്നീട് അൽ സമാനിയയിലെ ഇബ്രാഹിം ഖലീൽ കാനൂ കമ്മ്യൂണിറ്റി ഹെൽത്ത് സെന്ററിലേക്കും മാറ്റിയെന്ന് മന്ത്രാലയം വ്യക്തമാക്കി.