അകത്തേത്തറ : ഓടിക്കൊണ്ടിരുന്ന ഇരുചക്രവാഹനത്തിൽ തീ പടർന്നു. യാത്രക്കാരൻ ചാടി രക്ഷപ്പെട്ടു. വാഹനം പൂർണമായും കത്തിനശിച്ചു. ചിത്ര ജംക്ഷനിൽ ഇന്നലെ വൈകിട്ട് 7.30നായിരുന്നു സംഭവം. യാക്കര സ്വദേശി ശ്യാമിന്റെതാണു വാഹനം.
കൊങ്ങപ്പാടത്ത് അമ്മയുടെ വീട്ടിലേക്കു വരികയായിരുന്നു. തീ പടർന്ന ഉടൻ ശ്യാം വാഹനത്തിൽ നിന്നു റോഡിലേക്കു ചാടിയതിനാൽ അപകടങ്ങളില്ലാതെ രക്ഷപ്പെട്ടു. പരിസരത്തുണ്ടായിരുന്നവരാണു തീ കെടുത്തിയത്.