മുംബൈ: ലൈംഗിക പീഡനകേസില് ഓഷിവാര പൊലീസ് സ്റ്റേഷനില് ഹാജരായ ബിനോയ് കോടിയേരി ഡിഎന്എ പരിശോധയ്ക്ക് രക്തസാമ്പിള് നല്കിയില്ല. കോടതി നിര്ദ്ദേശപ്രകാരം മുന്കൂര് ജാമ്യവ്യവസ്ഥ അനുസരിച്ചാണ് ബിനോയ് കോടിയേരി ഓഷിവാര പൊലീസ് സ്റ്റേഷനിലെത്തിയത്. അരമണിക്കൂര് സ്റ്റേഷനില് കാത്തിരുന്ന ശേഷമാണ് ബിനോയ് കോടിയേരിയെ അന്വേഷണ ഉദ്യോഗസ്ഥന് വിളിപ്പിച്ചത്.
അസുഖമാണെന്നും അതിനാള് രക്തസാമ്പിളെടുക്കുന്നത് മറ്റൊരു ദിവസത്തേക്ക് മാറ്റണമെന്നും ബിനോയ് കോടിയേരി ആവശ്യപ്പെടുകയായിരുന്നു.
ബിഹാര് സ്വദേശിയായ യുവതി ഉന്നയിച്ച ലൈംഗിക പീഡന പരാതിയില് ഒരുമാസത്തേക്ക് എല്ലാ തിങ്കളാഴ്ച്ചയും രാവിലെ പത്തിനും ഉച്ചയ്ക്ക് ഒരുമണിക്കും ഇടയില് അന്വേഷണ ഉദ്യോഗസ്ഥന് മുന്നില് ഹാജരാകണമെന്ന വ്യവസ്ഥയിലാണ് നേരത്തെ ഡിന്ഡോഷി സെഷന്സ് കോടതി ബിനോയ് കോടിയേരിക്ക് ജാമ്യം അനുവദിച്ചത്.