ബോളിവുഡിലെ താരദമ്പതികളായ ബിപാഷ ബസുവും കരണ് സിങ് ഗ്രോവറും പ്രേക്ഷകര്ക്ക് ഏറെ പ്രിയപ്പെട്ടവരാണ്. ഒരുവര്ഷം മുന്പാണ് ഇവര് വിവാഹിതരായത്. സുഗമമായ കുടുംബജീവിതം നയിച്ച് വരുന്ന ഇവരെക്കുറിച്ചറിയാന് പ്രേക്ഷകര്ക്ക് പ്രത്യേക താല്പര്യമാണ്. വിവാഹത്തിന് ശേഷം തുടങ്ങിയ ഹണിമൂണ് ഇപ്പോഴും തുടരുകയാണെന്ന് അടുത്തിടെയും ബിപാഷ വ്യക്തമാക്കിയിരുന്നു.
വിവാഹം കഴിഞ്ഞ് കുറച്ച് മാസങ്ങള് പിന്നിടുന്നതിനിടയില്ത്തന്നെ കുട്ടികളെക്കുറിച്ചുള്ള ചോദ്യവുമായി പലരും ഇവരെ സമീപിച്ചിരുന്നു. എന്നാല് അടുത്തിടെയൊന്നും അമ്മയാവാനുള്ള പ്ലാനിലെന്ന് താരം വ്യക്തമാക്കിയിരുന്നു. അടുത്തിടെയും ഇവരെക്കുറിച്ച് പാപ്പരാസികള് കഥ മെനഞ്ഞ് രംഗത്തെത്തിയിരുന്നു. ഇതിനെതിരെ പ്രതികരണവുമായി ബിപാഷയും രംഗത്തെത്തിയിട്ടുണ്ട്.
ബിപാഷ ബസു ഗര്ഭിണിയാണെന്ന തരത്തിലുള്ള വാര്ത്തകളാണ് പ്രചരിച്ചത്. എന്നാല് തികച്ചും അടിസ്ഥാനമില്ലാത്ത കാര്യമാണ് പ്രചരിക്കുന്നതെന്ന് താരകുടുംബത്തോട് അടുപ്പമുള്ളവര് പറയുന്നു. പിങ്ക്വില്ലയ്ക്ക് നല്കിയ അഭിമുഖത്തിനിടയിലാണ് അവര് കാര്യങ്ങള് വിശദീകരിച്ചത്. രണ്ട് വര്ഷത്തിന് ശേഷമേ താന് അത്തരത്തിലൊരു കാര്യത്തെക്കുറിച്ച് ചിന്തിക്കുന്നുള്ളൂവെന്നായിരുന്നു താരം പ്രതികരിച്ചത്.
ഒരു സ്ത്രീയെ സംബന്ധിച്ചിടത്തോളം അമ്മയാവുകയെന്നത് വളരെ പ്രധാനപ്പെട്ടൊരു കാര്യമാണെന്നറിയാം. മാതൃത്വം വളരെ മനോഹരമായ ഫീലാണെന്നും അറിയാം. എന്നാല് തനിക്ക് ഇപ്പോള് അതിനുള്ള സമയമല്ലെന്ന് താരം പറയുന്നു. അമ്മയാവുന്നതിനും അപ്പുറത്ത് ഒരു സ്ത്രീ ചെയ്യേണ്ടതായ മറ്റ് പല കാര്യങ്ങളുമുണ്ട്.
വിവാഹിതയായിക്കഴിഞ്ഞാല് സ്വഭാവികമായും ഉയരുന്ന ചോദ്യമാണ് കുട്ടിയെക്കുറിച്ച്. സെലിബ്രിറ്റികളോട് മാത്രമല്ല എല്ലാവരോടും ഇത്തരത്തിലുള്ള ചോദ്യങ്ങള് ചോദിക്കാറുണ്ട്. വിവാഹം കഴിഞ്ഞതുകൊണ്ടാണ് തന്നോട് ഈ ചോദ്യം ചോദിക്കുന്നതെന്നും താരം പറയുന്നു. ഗര്ഭിണിയാണെന്ന തരത്തില് പ്രചരിക്കുന്ന വാര്ത്തകളെക്കുറിച്ച് പ്രതികരിക്കുകയായിരുന്നു താരം.